চিটাৰা ডেস্ক, 11 অক্টোবৰ : অভিনেতা অক্ষয় কুমাৰে মঙলবাৰে তেওঁৰ পৰৱৰ্তী এক্সন থ্ৰিলাৰ ছবি ৰাম সেতুৰ ট্ৰেইলাৰ উন্মোচন কৰে । অভিষেক শৰ্মাৰ দ্বাৰা পৰিচালিত এই ছবিখনত জেকলিন ফাৰ্ণাণ্ডেজ, নুছৰত ভাৰুচ্চা আৰু সত্য দেৱেও মুখ্য চৰিত্ৰত অভিনয় কৰিছে (Ram Setu cast) ।
টুইটাৰৰ জৰিয়তে অক্ষয়ে ৰাম সেতু ট্ৰেইলাৰ শ্বেয়াৰ কৰে ৷ শিৰোনামত তেওঁ লিখে, "আপোনালোকে #RamSetu প্ৰথম আভাস ভাল পাইছিল... আশা কৰোঁ ট্ৰেইলাৰটোকো আৰু অধিক মৰম দিব আৰু এই দীপাৱলীত আহক আমি সমগ্ৰ পৰিয়ালৰ সৈতে ৰাম সেতুৰ পৃথিৱীৰ অংশ হওঁ । #RamSetu। 25 অক্টোবৰ" ৷
ভাৰতীয় ঐতিহ্যৰ স্তম্ভ দুষ্ট শক্তিয়ে ধ্বংস কৰাৰ আগতে কেনেকৈ এজন নাস্তিক পুৰাতত্ত্ববিদ আস্তিকলৈ পৰিণত হয়, আৰ্য কুলশ্ৰেষ্ঠই (অক্ষয় কুমাৰ) কিংবদন্তি ৰাম সেতুৰ প্ৰকৃত অস্তিত্ব প্ৰমাণ কৰিবলৈ কিদৰে সময়ৰ বিৰুদ্ধে দৌৰিব লগা হয় এই সকলো দেখুওৱা হৈছে ট্ৰেইলাৰটোত । ৰাম সেতুৰ ট্ৰেইলাৰ চাই ছবিখনে দৰ্শকক মনোৰঞ্জন দিব বুলি অনুমান কৰিব পৰা গৈছে ৷ চিনেমা হলত সমগ্ৰ পৰিয়ালৰ সৈতে উপভোগ কৰিব পৰাকৈ ই এখন নিখুঁত উৎসৱমুখৰ ছবি ।