Happy Birthday Akshay Kumar: জন্মদিনত গেৰুৱা বসনত অক্ষয় কুমাৰ, মন্দিৰ প্ৰাংগনৰ পৰা ভাইৰেল হ’ল এই ভিডিঅ’

হিন্দী চিনেমাৰ বলিষ্ঠ অভিনেতা অক্ষয় কুমাৰৰ আজি ৫৬ সংখ্যক জন্মদিন । এই উপলক্ষে বহু অনুৰাগীয়ে ছচিয়েল মিডিয়াত অক্ষয় কুমাৰৰ জন্মদিনৰ শুভেচ্ছা জনাইছে । সেয়ে জন্মদিন উপলক্ষে অক্ষয়ে মধ্যপ্ৰদেশৰ উজ্জয়িনস্থিত মহাকালেশ্বৰ জ্যোতিৰ্লিংগ দৰ্শন কৰিবলৈ যায় । সম্পূৰ্ণ প্ৰতিবেদন পঢ়ক ৷

শেহতীয়াকৈ ‘অ’ মাই গড ২’ৰ দৰে এখন ছুপাৰহিট ছবি দিয়া ছুপাৰষ্টাৰ অক্ষয় কুমাৰে আজি অৰ্থাৎ ৯ ছেপ্টেম্বৰত ৫৬ সংখ্যক জন্মদিন পালন কৰিছে ৷ জন্মদিন উপলক্ষে শনিবাৰে অভিনেতাগৰাকীয়ে মধ্যপ্ৰদেশৰ উজ্জয়িনস্থিত মহাকাল জ্যোতিৰ্লিংগ দৰ্শন কৰিবলৈ যায় ৷

এই সময়ছোৱাত অক্ষয় কুমাৰৰ সৈতে টিম ইণ্ডিয়াৰ বাওঁহতীয়া বেটছমেন শিখৰ ধাৱানকো দেখা গ’ল ৷ অক্ষয়ৰ এই ভিডিঅ'টো সম্প্ৰতি ছচিয়েল মিডিয়াত ভাইৰেল হৈ পৰিছে ৷

মহাকালৰ আশীৰ্বাদ ল'বলৈ উপস্থিত হয় অক্ষয় কুমাৰ

জন্মদিনৰ বিশেষ উপলক্ষে অক্ষয় কুমাৰে উজ্জয়িনৰ ৰজা বাবা মহাকালৰ আশীৰ্বাদ লৈছে ৷ ছ’চিয়েল মিডিয়া প্লেটফৰ্ম টুইটাৰত প্ৰকাশ পোৱা এই ভিডিঅ’টোত আপুনি দেখিছে যে অক্ষয়ক মহাকাল মন্দিৰ চৌহদত দেখা গৈছে ৷ এই সময়ছোৱাত তেওঁ মহাকালৰ পূজাৰ বাবে পৰম্পৰাগত সাজ-পোছাক গ্ৰহণ কৰি সম্পূৰ্ণ উৎসাহেৰে মহাকাল আৰতিত অংশগ্ৰহণ কৰি আছে ৷ তেওঁৰ পুত্ৰ আৰৱকো অক্ষয়ৰ লগত দেখা যায় ৷

অক্ষয় কুমাৰে আজি পুৱা মহাকালৰ ভষ্ম আৰতিত অংশ লৈ আশীৰ্বাদ লয় ৷ ভিডিঅ'টোত আপোনালোকে দেখিছে যে অক্ষয়ৰ উপৰিও ভাৰতীয় ক্ৰিকেটাৰ শিখৰ ধাৱনক ভগৱান শংকৰক পূজা কৰা দেখা গৈছে ৷ অক্ষয় কুমাৰৰ এই শেহতীয়া ভিডিঅ'টো ছচিয়েল মিডিয়াত ব্যৱহাৰকাৰীসকলে খুবেই পচন্দ কৰা দেখা গৈছে ৷

বহু লোকেও নিজৰ প্ৰিয় অভিনেতাগৰাকীৰ জন্মদিনৰ শুভেচ্ছা জ্ঞাপন কৰিছে ৷ উল্লেখ্য যে, অক্ষয়ৰ শেহতীয়া ছবি ‘অ’ মাই গড ২’ত তেওঁ উজ্জয়িনৰ মহাকালৰ সৈতে সম্পৰ্কিত ভগৱান শংকৰৰ চৰিত্ৰত অভিনয় কৰিছিল ৷

অক্ষয় কুমাৰৰ ৱৰ্ক ফ্ৰণ্ট

এবছৰত প্ৰায় ৩-৪ খন চিনেমা কৰি অক্ষয় কুমাৰৰ নাম সুপৰিচিত ৷ যদি আমি অক্ষয় কুমাৰৰ আগন্তুক ছবিৰ কথা যদি ক’বলৈ যোৱা হয় তেনেহ’লে, আগন্তুক সময়ত এই অভিনেতাজনক ‘মিছন ৰাণীগঞ্জ, বড়ে মিঞা ছোটে মিঞা, হেৰা ফেৰী ৩ আৰু ৱেলকাম ৩’ৰ দৰে বহুকেইখন ডাঙৰ ডাঙৰ ছবিত দেখা যাব ৷ ইফালে জন্মদিন উপলক্ষে আজি অভিনেতাগৰাকীয়ে ৱেলকাম ৩’ৰ প্ৰথম লুক সামাজিক মাধ্যমযোগে শ্বেয়াৰ কৰে ৷

ইফালে, শেহতীয়াকৈ অভিনেতাগৰাকীৰ ছবি ‘মিছন ৰাণীগঞ্জ - দ্য ভাৰত ৰেচকিউ’ৰ টিজাৰ ভিডিঅ’ও মুক্তি পাইছে, যাৰ ফলত অনুৰাগীৰ মাজত এতিয়া উত্তেজনা যথেষ্ট বৃদ্ধি পাইছে ৷

লগতে পঢ়ক:Jawan box office collection day 3: বক্স অফিচত ২০০ কোটি টকাৰ দিশে ‘জৱান’; তৃতীয় দিনৰ উপাৰ্জন কিমান ?