চিটাৰা ডেস্ক, 9 অক্টোবৰ: পুনৰবাৰ বিমলৰ ব্ৰেণ্ড এম্বেছাদৰ হিচাপে কামবেক কৰিছে অভিনেতা অক্ষয় কুমাৰে । এটা নতুন বিজ্ঞাপনত নিশ্চিত হৈছে যে পুনৰবাৰ শ্বাহৰুখ খান আৰু অজয় দেৱগনৰ সৈতে ব্ৰেণ্ড এম্বেছাদৰ হ’ব অক্ষয় । ইয়াৰ পূৰ্বেও এই তিনিজন তাৰকাই পান মছলাৰ বিজ্ঞাপন কৰিছিল, যাৰ বাবে তিনিওজনকে ছ’চিয়েল মিডিয়াত নেটিজেনে ব্যাপকভাৱে ট্ৰ’ল কৰিছিল । ইয়াৰ পিচত অক্ষয় কুমাৰে এই সন্দৰ্ভত স্পষ্টীকৰণ দিছিল । কিন্তু এতিয়া আকৌ এবাৰ অজয় দেৱগন, শ্বাহৰুখ খান আৰু অক্ষয় কুমাৰক দেখা গৈছে পান মছলাৰ বিজ্ঞাপনত । যাৰ বাবে তেওঁক পুনৰবাৰ ছ’চিয়েল মিডিয়াত সমালোচনা কৰা হৈছে ।
অক্ষয়, শ্বাহৰুখ আৰু অজয়ক পুনৰ একেলগে দেখা গৈছে পান মছলাৰ বিজ্ঞাপনত
দেওবাৰে অনলাইনত শ্বেয়াৰ কৰা ভিডিঅ’টোত শ্বাহৰুখ, অজয় আৰু অক্ষয়ক ব্ৰেণ্ডটোৰ প্ৰচাৰ কৰা দেখা গৈছে । ভিডিঅ’টোত শ্বাহৰুখ আৰু অজয়ক বাহনত বহি হৰ্ণেৰে অক্ষয়ৰ দৃষ্টি আকৰ্ষণ কৰা দেখা গৈছে । ভিডিঅ’টোত অক্ষয়ক হেডফোন পৰিধান কৰি সংগীত উপভোগ কৰা দেখা গৈছে । শ্বাহৰুখ আৰু অজয়ে যে অক্ষয়ৰ বাবে অপেক্ষা কৰি আছে সেই কথাত একেবাৰে অজ্ঞাত অক্ষয় । শ্বাহৰুখ আৰু অজয়ৰ বহু ফোনকো আওকাণ কৰে অক্ষয়ে । অৱশেষত অজয়ে পান মছলাৰ পেকেট এটা খুলি দিয়ে, যিয়ে অক্ষয়ৰ দৃষ্টি আকৰ্ষণ কৰিবলৈ সক্ষম হয় । এই বিজ্ঞাপনটো এতিয়া ছ’চিয়েল মিডিয়াত যথেষ্ট ভাইৰেল হৈ পৰিছে ।
অক্ষয়, অজয় আৰু শ্বাহৰুখ খানৰ এই পান মছলা বিজ্ঞাপন ভাইৰেল হোৱাৰ পিচত অনুৰাগীয়ে তেওঁলোকক তীব্ৰভাৱে ট্ৰ’ল কৰিছে।