চিটাৰা ডেস্ক, ২ জানুৱাৰী:সম্প্ৰতিদেশজুৰি সকলোৱে উদযাপন কৰিছে নৱবৰ্ষ ৷ সকলোতে দেখা পোৱা গৈছে নৱবৰ্ষক আদৰাৰ উচাহ ৷ কোনোবাই যদি ঘৰতে পৰিয়ালৰ সৈতে নতুন বছৰ উদযাপন কৰিছে, কোনাবাই আকৌ বন্ধুবৰ্গৰ সৈতে পাৰ্টি কৰি নতুন বছৰক আদৰণি জনাইছে ৷ অৱশ্যে বহুতে আকৌ বিদেশত পৰিয়ালবৰ্গ অথবা নিজৰ আপোনজনৰ সৈতে নৱবৰ্ষ উদযাপন কৰিছে ৷ ইফালে এইক্ষেত্ৰত ব্যতিক্ৰম নহয়, বলীউডৰ চেলিব্ৰিটিসকলো ৷ বহু চেলিব্ৰিটিয়ে নিজৰ আপোনজনৰ সৈতে বিদেশত উদযাপন কৰা দেখা গৈছে নৱবৰ্ষ ৷ এই তালিকাত নাম আছে বলীউডৰ অভিনেতা অক্ষয় কুমাৰৰো ৷
বলীউডৰ দম্পতী অক্ষয় কুমাৰ আৰু টুইংকল খান্নাই সন্তানৰ সৈতে বিদেশত নৱবৰ্ষ উদযাপন কৰিছে । শেহতীয়াকৈ টুইংকল খান্নাই কন্যা নিতাৰা আৰু অক্ষয় কুমাৰৰ এটা মৰমলগা ভিডিঅ’ শ্বেয়াৰ কৰিছে, যিটো ছ’চিয়েল মিডিয়াত ভাইৰেল হৈ পৰিছে ।
জীয়েকৰ সৈতে চাইকেল চলোৱাৰ আমোদ ল’লে অক্ষয় কুমাৰে
টুইংকল খান্নাই ইনষ্টাগ্ৰাম ষ্ট’ৰীত এটা ভিডিঅ’ শ্বেয়াৰ কৰিছে, যিটো ভিডিঅ’ অক্ষয় আৰু নিতাৰাৰ । ক্লিপটোত অক্ষয়ক কন্যাৰ সৈতে চাইকেল চলাই থকা দেখা গৈছে । অক্ষয়ে চাইকেল চলাই আছে আৰু পিচফালে বহি আছে কন্যা নিতাৰা । টুইংকলৰ এই ভিডিঅ’টোৰ পৰা দেখা গৈছে যে অক্ষয়ে পৰিয়ালৰ সৈতে মালদ্বীপত ছুটী উপভোগ কৰি আছে । এই ভিডিঅ’টো সম্প্ৰতি ইণ্টাৰনেটত ভাইৰেল হৈ পৰিছে ।
অক্ষয় কুমাৰৰ ৱৰ্কফ্ৰন্ট
অক্ষয় কুমাৰে নিজৰ অফিচিয়েল ছ’চিয়েল মিডিয়া একাউণ্টত বড়ে মিঞা ছোটে মিঞাৰ নতুন পোষ্টাৰ মুকলি কৰিছে । নতুন পোষ্টাৰত অক্ষয়ৰ সৈতে টাইগাৰৰ যুটিটো অনুৰাগীয়ে ভাল পাইছে ৷ ছবিখনৰ পৰা নিজৰ লুক শ্বেয়াৰ কৰি অক্ষয় কুমাৰে অনুৰাগীক নতুন বছৰৰ শুভেচ্ছা জনাইছে । টাইগাৰ শ্ৰফৰ সৈতে ছবিখনৰ পোষ্টাৰ শ্বেয়াৰ কৰি অক্ষয় কুমাৰে কেপশ্যনত লিখিছে, "আপোনাৰ নতুন বছৰটো সমৃদ্ধ হওক, সৰু সৰু সুখেৰে । বড়ে মিঞা ছোটে মিঞা'ৰ ফালৰ পৰা নতুন বছৰৰ বাবে শুভেচ্ছা । আমাক চিনেমাগৃহত লগ কৰিবলৈ Eid 2024 আহিব । ২০২৪ চনটো জীপাল কৰোঁ আহক ।"
লগতে পঢ়ক:বিবাহৰ পিচত সিদ্ধাৰ্থৰ সৈতে কিয়াৰাৰ প্ৰথম নৱবৰ্ষ আছিল বিশেষ, ফিল্মী ষ্টাইলত উদযাপন নৱবৰ্ষ
