চিটাৰা ডেস্ক, 12 এপ্ৰিল: শেহতীয়াকৈ দেশৰ ধনী ব্যৱসায়ী মুকেশ আম্বানীৰ সাংস্কৃতিক অনুষ্ঠানত ছুপাৰষ্টাৰ ছলমান খান আৰু তেওঁৰ প্ৰাক্তন প্ৰেমিকা ঐশ্বৰ্য ৰায় বচ্চনক একেটি অনুষ্ঠানত দেখিবলৈ পোৱা গৈছিল । এই অনুষ্ঠানৰ পৰা ছলমান খান আৰু ঐশ্বৰ্য ৰায় একেটা ফ্ৰেমত বন্দী হোৱাৰ ছবি ছ’চিয়েল মিডিয়াত ব্যাপকৰূপে ভাইৰেল হৈ পৰিছে (Aishwarya Rai) ।
সম্প্ৰতি ঐশ্বৰ্য ৰায়ৰ এটা পুৰণি ভিডিঅ’ ছ'চিয়েল মিডিয়াত ভাইৰেল হৈ পৰিছে (Aishwarya Salman) । এই ভিডিঅ’টোত ঐশ্বৰ্যই প্ৰাক্তন প্ৰেমিক ছলমান খানক তীব্ৰ প্ৰশংসা কৰা দেখা গৈছে । এই ভিডিঅ'টো ছচিয়েল মিডিয়াত ক্ৰমাৎ ভাইৰেল হৈ পৰিছে । ছলমানক বলীউডৰ আটাইতকৈ গোৰ্জিয়াছ আৰু আবেদনময়ী তাৰকা বুলি অভিহিত কৰিছে ঐশ্বৰ্যই (Aishwarya salman viral video)।
যেতিয়া পুৰণি অভিনেত্ৰী ছিমি গ্ৰেৱালে তেওঁৰ টক শ্ব’ত ঐশ্বৰ্য ৰায়ক সুধিছিল যে, বলীউডৰ আটাইতকৈ গোৰ্জিয়াছ আৰু আবেদনময়ী তাৰকা কোন ? এই প্ৰশ্নত ঐশ্বৰ্যই হাঁহি আৰু লাজতে ৰঙা পৰিবলৈ আৰম্ভ কৰে আৰু তাৰ পিচত প্ৰাক্তন প্ৰেমিক ছলমান খানৰ নাম লয় । উল্লেখ্য যে, ঐশ্বৰ্য ৰায়ৰ সাক্ষাৎকাৰ ছচিয়েল মিডিয়াত ভাইৰেল হোৱাৰ এই ভিডিঅ'টো বহু পুৰণি ।