চিটাৰা ডেস্ক, 3 অক্টোবৰ :দেওবাৰে উত্তৰ প্ৰদেশৰ পবিত্ৰ ভূমি অযোধ্যাৰ সৰায়ু পাৰত উন্মোচন কৰা হয় বহু চৰ্চিত ছবি আদিপুৰুষৰ টিজা ৰ। প্ৰভাস, কৃতি, ছৈফ আলী খান আৰু ছানী সিঙ অভিনীত ওম ৰাৱটৰ আদিপুৰুষ ছবিখনে ঘোষণাৰ পৰাই শিৰোনামা দখল কৰি আহিছে (Adipurush cast)। মেগা বাজেটৰ ছবিখনে ইয়াৰ মুখ্য যুটি প্ৰভাস আৰু কৃতিৰ মাজত কেমেষ্ট্ৰী বাবেও দৃষ্টি আকৰ্ষণ কৰিছে ।
আদিপুৰুষৰ টিজাৰ মুকলি অনুষ্ঠানটোৰ পৰা এটা ভিডিঅ’ ছ’চিয়েল মিডিয়াত ভাইৰেল হৈ পৰে ৷ ভাইৰেল ভিডিঅ’টোত অনুৰাগীসকল সাক্ষী হৈ ৰয় কৃতি সেনন আৰু প্ৰভাসৰ এক মধুৰ সময়ৰ । কৃতি আৰু প্ৰভাসক অনস্ক্ৰীণ ইমানেই পছন্দ কৰা হৈছে যে নেটিজেনে দুয়োৰে নাম সংযুক্ত কৰি "PraKri" হিচাপে সম্বোধন কৰিবলৈ লৈছে ৷
ভাইৰেল ক্লিপটোত প্ৰভাসে চিৰিৰে নামি অহাৰ সময়ত কৃতিক সমৰ্থনৰ বাবে হাত আগবঢ়াই দিয়া দেখা পোৱা গৈছে । প্ৰভাসৰ এই ব্যৱহাৰে নিশ্চিতভাৱে কঢ়িয়াই আনিলে এটি মিঠা হাঁহি কৃতিৰ মুখলৈ ৷ বাহুবলী অভিনেতাজনক ধন্যবাদ দি আগবাঢ়ি যায় দুয়ো ।