চিটাৰা ডেস্ক, 21 জুন: 500 কোটি টকাৰ বাজেটত নিৰ্মিত ওম ৰাউটৰ ছবি আদিপুৰুষ 16 জুনত ছবিগৃহত মুক্তি লাভ কৰিছিল ৷ কিন্তু ছবিখন মুক্তি পোৱাৰ পূৰ্বে ছবিখনক লৈ অনুৰাগীসকল যিমান আশাবাদী হৈ আছিল, ছবিখন মুক্তিৰ পিচত সেই আশাত থিয় হ’ব নোৱাৰিলে ৷ ছবিখনত এনেকুৱা কিছুমান সংলাপ আছিল যি সংলাপে দেশজুৰি সৃষ্টি কৰিছে বিতৰ্কৰ ৷ কেৱল দেশতে নহয় চুবুৰীয়া দেশ নেপালতো ছবিখনক লৈ সৃষ্টি হৈছে বিতৰ্কৰ ৷ আনকি এই ছবিখনৰ বাবেই নেপালত বলীউডৰ সকলো ছবি নিষিদ্ধ কৰিছে নেপাল চৰকাৰে ৷
‘আদিপুৰুষ’ ছবিখনৰ ৰাম, সীতা, লক্ষ্মণ আৰু ৰাৱণৰ সংলাপ, গ্রাফিক্স, লুকে দেশবাসীৰ ধৰ্মীয় বিশ্বাসত আঘাত হানিছে ৷ সেয়াহে দেশজুৰি সমালোচনাৰ সন্মুখীন হৈছে ছবিখনৰ সংলাপ লিখা মনোজ মুন্টাশ্বিৰ ৷ এই ছবিখনক লৈ ৰামভক্তসকল অতিশয় ক্ষোভিত হৈ এই ছবিখনক সনাতন ধৰ্মৰ সংস্কৃতি ধ্বংস কৰাৰ চেষ্টা কৰা বুলি অভিহিত কৰিছে । অধিক বিতৰ্কৰ সৃষ্টি কৰিছে ভগৱান হনুমানৰ এটা সংলাপে ৷ সেয়া হৈছে ‘তেল তেৰে বাপ কা, কাপৰা তেৰে বাপ কা, আগ ভি তেৰে বাপ কি আৰু জালেগী ভি তেৰে বাপ কি’ ৷ এনে পৰিস্থিতিত দেশজোৰা ক্ষোভৰ পিচত ছবিখনৰ সংলাপ সলনি কৰিছে নিৰ্মাতাসকলে ।
নতুন সংলাপ . . . .
আদিপুৰুষৰ বিতৰ্কিত সংলাপ ‘তেল তেৰে বাপ কা, কাপৰা তেৰে বাপ কা, আগ ভি তেৰে বাপ কি অৰ জালেগী ভি তেৰে বাপ কি’ ছবিখনত এতিয়া এনেদৰে উপস্থাপন কৰা হৈছে, ‘কপৰা তেৰি লংকা কা, তেল তেৰি লংকা কা, আগ ভি তেৰে লংকাকা অৰ জালেগী ভি তেৰে লংকা হি ।’
ছবিখনৰ অন্যান্য বিতৰ্কিত সংলাপ