চিটাৰা ডেস্ক, 19 জুন: অসমৰ গৌৰৱ আদিল হুছেইনে নিজৰ উৎকৃষ্ট অভিনয়ৰে কেৱল ভাৰততেই নহয় আন্তঃৰাষ্ট্ৰীয় পৰ্যায়তো কেইবাটাও সন্মান লাভ কৰিছে ৷ এইবাৰ পুনৰ অভিনেতাগৰাকীয়ে লাভ কৰিলে আন এক সন্মান ৷ ‘ফুটপ্ৰিণ্টছ অন ৱাটাৰ’ ছবিৰ বাবে কানাডাত অনুষ্ঠিত হোৱা অট’ৱা ইণ্ডিয়ান ফিল্ম ফেষ্টিভেলত শ্ৰেষ্ঠ অভিনেতাৰ বঁটাৰে সন্মানিত কৰা হয় অভিনেতাগৰাকীক ৷
আদিলৰ হুছেইনৰ অভিনীত এই ছবিখনত ব্যতিক্ৰমী অভিনয় আৰু চৰিত্ৰৰ অসাধাৰণ চিত্ৰণৰ বাবে তেওঁক এই সন্মানেৰে সন্মানিত কৰা হয় । বঁটা লাভ কৰাৰ পিচত অসমত সন্তানগৰাকীয়ে এটা টুইটযোগে অট’ৱা ইণ্ডিয়ান ফিল্ম ফেষ্টিভেলক ধন্যবাদ জনায় ৷
উল্লেখ্য যে, অট’ৱা ইণ্ডিয়ান ফিল্ম ফেষ্টিভেল বঁটাৰ টুইটাৰ একাউন্টৰ পৰা এটা টুইট শ্বেয়াৰ কৰিছিল ৷ টুইটাৰ হেণ্ডেলত লিখিছে, ‘সজ্জিত অসমীয়া থেস্পিয়ান আদিল হুছেইনে নাথালিয়া ছ্যামৰ ফুটপ্ৰিণ্টছ অন ৱাটাৰত আৰ্থিক আৰু পাৰিবাৰিক ধ্বংসৰ মুখত পৰা পিতৃ হিচাপে শক্তিশালী, সহানুভূতিশীল অভিনয়ৰ বাবে BEST ACTOR বঁটা লাভ কৰে । #OIFFA2023 #adilhussain #myottawa #চলচ্চিত্ৰ উৎসৱ