চিটাৰা ডেস্ক, ২ জানুৱাৰী: কইনা হ’বলৈ সাজু আমিৰ খানৰ কন্যা ইৰা খান । কাইলৈ প্ৰেমিক নুপুৰ শিখাৰেৰ সৈতে বিবাহপাশত আৱদ্ধ হ’ব ইৰা খান । ইফালে বিবাহৰ প্ৰাকক্ষণত খান পৰিয়ালত পূৰ্ণ গতিত চলিছে বিয়াৰ প্ৰস্তুতি । যাৰ বহু ফটো আৰু ভিডিঅ’ ছ’চিয়েল মিডিয়াত প্ৰকাশ পাইছে ৷
আৰম্ভ হ’ল আমিৰ খানৰ কন্যা ইৰা খানৰ বিবাহ অনুষ্ঠান
আজিৰে পৰা আৰম্ভ হৈছে ইৰা-নুপুৰৰ প্ৰি-ৱেডিং ফাংচন । ছ’চিয়েল মিডিয়াত বহু ফটো আৰু ভিডিঅ’ প্ৰকাশ পাইছে, য’ত আমিৰ খানৰ সমগ্ৰ পৰিয়াল বিবাহ অনুষ্ঠানৰ প্ৰস্তুতিত ব্যস্ত হৈ পৰা দেখা গৈছে । দৰাচলতে আজি ইৰাৰ হালধি অনুষ্ঠান ৷ হালধি অনুষ্ঠানৰ বাবে সাজু হৈছে ইৰা আৰু শিখাৰেৰ পৰিয়াল ৷
অভিনেতাগৰাকীৰ দুয়োগৰাকী প্ৰাক্তন পত্নী ৰীণা দত্ত আৰু কিৰণ ৰাওক একেলগে দেখা গ’ল
ইৰা খানৰ বিবাহ উপলক্ষে আমিৰ খানৰ প্ৰাক্তন পত্নী কিৰণ ৰাও আৰু ৰীণা দত্তক কন্যাৰ বিয়াত একেলগে দেখা গ’ল । ভাইৰেল হোৱা ভিডিঅ’বোৰত দেখা গৈছে যে কিৰণ ৰাওৱে গাড়ীৰ পৰা লাগেজ উলিয়াই আনিছে ।
ইফালে, আমিৰ খানৰ প্ৰথম পত্নী ৰীণা দত্তকো এই সময়চোৱাত ঘৰৰ পৰা ওলাই অহা দেখা গ’ল, য’ত সেউজীয়া ৰঙৰ শাৰী পৰিধান কৰা দেখা গৈছিল ৰীণা দত্তক । ইয়াৰ মাজতে তেওঁ হ’বলগীয়া জোঁৱাই নুপুৰৰ সৈতে ফটোৰ বাবেও পোজ দিয়ে ৷ ৰীণা দত্তৰ ঘৰটো ফুলেৰে সজাই তোলা হৈছে । অৱশ্যে এই সময়চোৱাত পৰিয়ালৰ সৈতে দেখা নগ’ল আমিৰ খানক ।
সংবাদ মাধ্যমত প্ৰকাশিত বাতৰি অনুসৰি কাইলৈ অৰ্থাৎ অহা ৩ জানুৱাৰীত নুপুৰ-ইৰাৰ আদালতৰ বিবাহ হ’ব । বিয়াৰ পিচত আমিৰ খানে মুম্বাইত এক বৃহৎ বিবাহ অভ্যৰ্থনা অনুষ্ঠানত আয়োজন কৰিব, য’ত বলীউডৰ সকলো চেলিব্ৰিটিয়ে অংশগ্ৰহণ কৰিব বুলি জানিব পৰা গৈছে ।
লগতে পঢ়ক:কন্যাৰ সৈতে চাইকেল চলোৱাৰ আমোদ ল’লে অক্ষয় কুমাৰে
