চিটাৰা ডেস্ক, 2 ছেপ্তেম্বৰ: ছলমান খানৰ শেষৰ কেইখনমান ছবি ফ্লপ হোৱাৰ পিছত বৰ্তমান অনুৰাগীসকল চিন্তিত হৈ পৰিছে । স্বয়ং ছলমানৰো এতিয়া চিন্তা বৃদ্ধি পাবলৈ ধৰিছে । তেওঁৰ কিচি কা ভাই কিচি কি জান ক্যা ফ্লপ হোৱা পিছতেই ভৱিষ্যতে তেওঁ নিজৰ কামৰ শৈলী সলনি কৰাৰ সিদ্ধান্ত গ্ৰহণ কৰিছে । এতিয়া তেওঁ বন্ধুত্বৰ ছবি কৰা আৰু উদ্যোগটোত বন্ধুত্ব বজাই ৰাখিবলৈ ফ্লপ অভিনেতাৰ সৈতে কাম কৰা বন্ধ কৰি দিছে । ডাঙৰ ডাঙৰ প্ৰযোজক-পৰিচালক বন্ধুৰ সৈতে কাম কৰাৰ প্ৰস্তুতি চলাইছে ।
ইয়াৰ মাজতে আজি অভিনেতাগৰাকীয়ে ছ’চিয়েল মিডিয়াযোগে বলীউডত জনপ্ৰিয়তা অৰ্জন কৰা টাইগাৰৰ খণ্ড 3ৰ কথা ঘোষণা কৰে ৷ হয়, আপোনালোকে ঠিকেই পঢ়িছে ৷ পুনৰবাৰ ডাঙৰ পৰ্দাত একেলগে দেখিবলৈ পোৱা যাব ছলমান আৰু কেটৰিণা কাইফক ৷ ইয়াৰ লগতে আগন্তুক দীপাৱলীত উপহাৰ স্বৰূপ দৰ্শকক টাইগাৰ 3ক আগবঢ়াবলৈ ওলাইছে ৷ কিছু সময় পূৰ্বে তেওঁ ইনষ্টাগ্ৰামযোগে টাইগাৰ ৩ৰ পোষ্টাৰ শ্বেয়াৰ কৰে লগতে তেওঁ কেপশ্বনত লিখিছে যে-
আ ৰহা হুন! #Tiger3 on Diwali 2023. #YRF50 ৰ সৈতে #Tiger3 শীঘ্ৰেই আপোনাৰ ওচৰৰ ডাঙৰ পৰ্দাত ।
পুনৰবাৰ ডাঙৰ পৰ্দাত পূৰ্বে টাইগাৰৰ দুটা খণ্ডত দেখিবলৈ পোৱাৰ দৰে ঠিক একেই এক্সন, ষ্টান্ট, আৰু ৰোমাঞ্চ দৰ্শকে দেখিবলৈ পাব ৷ সেইবাবেই এতিয়া দৰ্শকৰ মাজত অতি উৎসাহ তথা আগ্ৰহ দেখিবলৈ পোৱা গৈছে ৷ ইফালে অনুৰাগী এই পোষ্টাৰ লাভ কৰাৰ পিছতেই কমেন্টত টাইগাৰ, ভাইজান ইজ বেক আদি কমেন্টেৰে ভৰাই তোলে ৷