চিটাৰা ডেস্ক, 30 ছেপ্টেম্বৰ :30 ছেপ্টেম্বৰত 68 সংখ্যক ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠান অনুষ্ঠিত হ'ব । চিনেমাৰ সৈতে জড়িত বহু চেলেব্ৰিটীক বিভিন্ন শাখাত ৰাষ্ট্ৰীয় বঁটাৰে সন্মানিত কৰা হ’ব । দেশৰ ৰাষ্ট্ৰপতি দ্ৰৌপদী মূৰ্মুৱে শিল্পীসকলক ৰাষ্ট্ৰীয় চলচ্চিত্ৰ বঁটা 2020 ৰে সন্মানিত কৰিব । চলিত বৰ্ষৰ জুলাই মাহত ঘোষণা কৰা হৈছিল 68 সংখ্যক ৰাষ্ট্ৰীয় চলচ্চিত্ৰ বঁটা । বলীউডৰ অভিনেতা অজয় দেৱগণ আৰু দক্ষিণৰ অভিনেতা সূৰ্যা যৌথভাৱে নিৰ্বাচিত হৈছিল শ্ৰেষ্ঠ অভিনেতা বঁটাৰ বাবে । সমান্তৰালকৈ প্ৰবীণ অভিনেত্ৰী আশা পাৰেখক আজি দাদাচাহেব ফাল্কে বঁটাৰে সন্মানিত কৰা হ’ব ।
ক’ৰণা মহামাৰীৰ বাবে স্থগিত ৰখা হৈছিল এই অনুষ্ঠান
দক্ষিণ অভিনেতা সূৰ্যাই ছবি ‘সূৰাৰাই পত্ৰু’ আৰু অজয়ে ছবি ‘তানহাজী : দ্য আনচাং ৱাৰিয়াৰ’ৰ বাবে যৌথভাৱে লাভ কৰিব শ্ৰেষ্ঠ অভিনেতাৰ বঁটা । বিয়লি 4 বজাৰ পৰা 5 বজাৰ ভিতৰত আৰম্ভ হ’ব এই অনুষ্ঠান । এই বঁটাসমূহৰ বাবে বিজয়ীসকলৰ নাম বিশেষ জুৰীয়ে নিৰ্বাচন কৰিছে । ক’ৰণা কালত লকডাউনৰ বাবে স্থগিত ৰখা হৈছিল এই অনুষ্ঠান ।
কোনে কোনে লাভ কৰিব 68 সংখ্যক ৰাষ্ট্ৰীয় বঁটা ?
1. শ্ৰেষ্ঠ অভিনেতা - অজয় দেৱগণ আৰু দক্ষিণৰ অভিনেতা সুৰ্যা
2. শ্ৰেষ্ঠ হিন্দী চলচ্চিত্ৰ - তুলসীদাস জুনিয়ৰ
3. শ্ৰেষ্ঠ অভিনেত্ৰী - অপৰ্ণা বালামুৰালি (সূৰাৰাই পত্ৰুৰ বাবে)
4. শ্ৰেষ্ঠ সহযোগী অভিনেতা - বিজু মেনন (এ কে অয়াপ্পানাম কোশিয়ুমৰ বাবে)
5. শ্ৰেষ্ঠ পৰিচালক - মালায়ালম পৰিচালক সচিদানন্দন কেআৰ (অয়াপ্পানাম কোশিয়ুম)
6. শ্ৰেষ্ঠ সহযোগী অভিনেত্ৰী – লক্ষ্মী প্ৰিয়া চন্দ্ৰমৌলী (Shivaranjiniyam Inum Sila Pengalum চলচ্চিত্ৰৰ বাবে)