Dunki Vs Aquaman 2 :শ্বাহৰুখ খানৰ বেক টু বেক হিটত ভয় খালে হলীউডে ! সলনি কৰিলে একুৱামেন ২ ৰ মুক্তিৰ তাৰিখ

শ্বাহৰুখ খানৰ বেক টু বেক হিট ছবিত ভয় খাইছে হলীউডে ! ডাংকিৰ বাবে হলিউডৰ ছবি Aquaman 2 ৰ নিৰ্মাতাই সলনি কৰিলে ছবিখনৰ মুক্তিৰ তাৰিখ ৷ জানি লওক নতুন মুক্তিৰ তাৰিখ ৷

চিটাৰা ডেস্ক, 14 নৱেম্বৰ: বলীউডৰ কিং​ শ্বাহৰুখ খানৰ এই বছৰৰ তৃতীয়খন ছবি ‘ডাংকি’ এ ছবিগৃহত ধুমুহাৰ সৃষ্টি কৰিবলৈ সাজু হৈছে ৷ ইয়াৰ পূৰ্বে শ্বাহৰুখ খানৰ পাঠান (২৫ জানুৱাৰী ২০২৩) আৰু জৱান (৭ ছেপ্টেম্বৰ ২০২৩) ছবি দুখনে বক্স অফিচত আলোড়নৰ সৃষ্টি কৰিছিল ৷ এতিয়া ডাংকি বৰদিন উপলক্ষে ২২ ডিচেম্বৰত ছবিগৃহত মুক্তি পাব । একে সময়তে ২২ ডিচেম্বৰত ভাৰতত মুক্তি দিয়াৰ কথা আছিল হলিউডৰ ছবি ডি চি কমিক্সৰ একুৱামেন এণ্ড দ্য লষ্ট কিংডম । কিন্তু শ্বাহৰুখ খানৰ বেক টু বেক হিট ছবি দেখাৰ পিচত একুৱামেন ২ ৰ নিৰ্মাতাসকলে ভাৰতত ছবিখনৰ মুক্তিৰ তাৰিখ সলনি কৰিছে ।

একুৱামেন ২ মুক্তিৰ তাৰিখ সলনি

কেতিয়া মুক্তি পাব Aquaman 2 ?

২০৫ মিলিয়ন ডলাৰৰ বাজেটেৰে নিৰ্মিত একুৱামেন ২ ছবিখন পৰিচালনা কৰিছে জেমছ ভনে । ইতিমধ্যে একুৱামেন (২০১৮) ছবিখনে বিশ্বব্যাপী বক্স অফিচত আলোড়নৰ সৃষ্টি কৰিছিল আৰু এতিয়া নিৰ্মাতাই একুৱামেন ২ ৰ জৰিয়তে বক্স অফিচত ঢৌ তুলিবলৈ সাজু হৈছে । ইয়াৰ পূৰ্বে ২২ ডিচেম্বৰত ভাৰতত মুক্তি দিয়াৰ কথা আছিল একুৱামেন ২ ৷ কিন্তু এতিয়া এই ছবিখনৰ তাৰিখ সলনি কৰা হৈছে ৷ অৰ্থাৎ এদিন আগতেই অৰ্থাৎ ২১ ডিচেম্বৰত মুক্তি পাব ছবিখন ৷ একুৱামেনৰ অনুৰাগীয়ে ডাংকি মুক্তিৰ এদিন পূৰ্বে এই ছবিখন উপভোগ কৰিব পাৰিব ।

উল্লেখ্য যে, হলিউডৰ তাৰকা জনী ডেপৰ প্ৰাক্তন পত্নী এম্বাৰ হাৰ্ডে একুৱামেন ২ৰ মূল তাৰকা অভিনেতা হিচাপে মুখ্য চৰিত্ৰত অভিনয় কৰিছে । আনহাতে, জেছন মোমোয়াই একুৱামেনৰ চৰিত্ৰত অভিনয় কৰিছে । আন আন অভিনেতাসকলৰ ভিতৰত আছে পেট্ৰিক উইলছন, বেন এফ্লেক, অভিনেত্ৰী নিকোল কিডমেন আৰু ইয়াহিয়া আব্দুল-মতীন দ্বিতীয় ।

ডাংকিৰ বিষয়ে

শ্বাহৰুখ খান, বিকি কৌশল আৰু তাপসী পান্নুৰ অভিনীত ছবি ডাংকি ২১ ডিচেম্বৰত আন্তঃৰাষ্ট্ৰীয় পৰ্যায়ত আৰু ২২ ডিচেম্বৰত ভাৰতত মুক্তি পাব । একে সময়তে আন্তঃৰাষ্ট্ৰীয় পৰ্যায়ত একেদিনাই একুৱামেন ২ আৰু ডাংকিৰ মাজত বক্স অফিচত সংঘৰ্ষ হ’ব । ডাংকি ছবিখন পৰিচালনা কৰিছে ৰাজকুমাৰ হিৰাণীয়ে । এই ছবিখনত শ্বাহৰুখ খানক ভাৰতীয় সেনা বিষয়াৰ চৰিত্ৰত দেখা যাব ।

লগতে পঢ়ক:Ranbir Kapoor: এইগৰাকী ছুপাৰষ্টাৰৰ শ্ব’ত অনন্য শৈলীত এনিমেলৰ প্ৰচাৰ চলালে ৰণবীৰ কাপুৰে