দিপীলা, 6 এপ্ৰিলঃ ভোটাৰক আকৰ্ষণ কৰিবলৈ প্ৰাৰ্থীয়ে অৱলম্বন কৰিছে নিত্য নতুন কৌশল ৷ হিমন্ত বিশ্ব শৰ্মাৰ নৃত্যৰ পৰৱৰ্তী সময়ত এইবাৰ জিকিৰ গালে আন এগৰাকী বিজেপি প্ৰাৰ্থীয়ে ৷
দৰঙত নিৰ্বাচনী প্ৰচাৰ চলাই থকা মঙ্গলদৈ লোকসভা সমষ্টিৰ বিজেপি প্ৰাৰ্থী দিলীপ শইকীয়াই ভোটাৰক আকৰ্ষণ কৰিবলৈ দিপীলাত গালে জিকিৰ ৷ আনহাতে এই সভাতে অৰ্ধশতাধিত মুছলমান লোকে বিজেপি দলত যোগদান কৰে ৷
দিলীপ শইকীয়া
ছিপাঝাৰ বিধানসভা সমষ্টিত আঠখনকৈ নিৰ্বাচনী সভাত অংশগ্ৰহণ কৰি দৰং ৰে’ললাইন সম্পৰ্কে অহা পাঁচ বছৰৰ ভিতৰত জিলাখনত ৰে’ললাইন সংযুক্ত কৰিব বুলি প্ৰতিশ্ৰুতি প্ৰদান কৰে প্ৰাৰ্থীগৰাকীয়ে ৷ আনহাতে ছিপাঝাৰ সমষ্টিৰ বিধায়ক বিনন্দ কুমাৰ শইকীয়াই বিজেপি মুছলমান বিৰোধী নহয় ৷ যিসকলে অবৈধভাৱে দেশ তথা ৰাজ্যত প্ৰৱেশ কৰি আমাৰ জাতি-মাটি-ভেটি ৰক্ষাৰ নামত শংকা নমাই আনিছে বিজেপি সেইসকলৰ বিৰোধী বুলি কয় বিজেপি বিধায়কগৰাকীয়ে ৷