প্ৰথম পৰ্যায়ৰ ভোটদানৰ বাবে সাজু শিৱসাগৰৰ ৫০৬টা কেন্দ্ৰ
শিৱসাগৰৰ ৫০৬ টা কেন্দ্ৰত অনুষ্ঠিত হ'বলগীয়া প্ৰথম পৰ্যায়ৰ ভোটদান প্ৰক্ৰিয়াৰ বাবে সাজু সকলো নিৰ্বাচনী বিষয়া
শিৱসাগৰ, ১০ এপ্ৰিলঃ বুধবাৰে ৰাজ্যৰ ৫টা সমষ্টিত অনুষ্ঠিত হ'ব প্ৰথম পৰ্যায়ৰ ভোটদান প্ৰক্ৰিয়া। এই নিৰ্বাচন প্ৰক্ৰিয়াৰ বাবে সমষ্টিকেইটাত কটকটীয়া কৰি তোলা হৈছে নিৰাপত্তা ব্যৱস্থা। ডিব্ৰুগড়, লখিমপুৰ,কলিয়াবৰ,তেজপুৰৰ দৰে যোৰহাট সমষ্টিটো বুধবাৰে অনুষ্ঠিত হ'ব প্ৰথম পৰ্যায়ৰ ভোটদান প্ৰক্ৰিয়া। যোৰহাট লোকসভা সমষ্টিৰ অন্তৰ্গত শিৱসাগৰ জিলাৰ তিনিটা বিধানসভা সমষ্টিৰ মুঠ ৫০৬ টা কেন্দ্ৰত অনুষ্ঠিত হ'ব প্ৰথম পৰ্যায়ৰ ভোটদান প্ৰক্ৰিয়া। ইতিমধ্যেই এই ৫০৬টা কেন্দ্ৰত উপস্থিত হৈছে নিৰ্বাচনী বিষয়া। শিৱসাগৰ জিলাৰ চৰকাৰী উচ্চতৰ মাধ্যমিক আৰু বহুমুখী বিদ্যালয়ত অনুষ্ঠিত হ'বলগীয়া ভোটগ্ৰহণ প্ৰক্ৰিয়াত ব্যৱহাৰ হোৱা ই.ভি.এম.কে ধৰি নিৰ্বাচনৰ সকলো সামগ্ৰী লৈ নিজ-নিজ ভোটগ্ৰহণ কেন্দ্ৰত উপস্থিত হৈছে সকলো নিৰ্বাচনী বিষয়া। শিৱসাগৰত হ'বলগীয়া এই প্ৰথম পৰ্যায়ৰ নিৰ্বাচনত জিলাখনৰ তিনিটা বিধানসভা সমষ্টি ক্ৰমে শিৱসাগৰ,আমগুৰি আৰু থাওৰা বিধানসভা সমষ্টিৰ মুঠ ৩,৭২,৯৮৬ গৰাকী ভোটাৰে ভোটদান সাব্যস্ত কৰিব। এই নিৰ্বাচনী প্ৰক্ৰিয়াৰ বাবে জিলাখনত আৰক্ষী তথা প্ৰশাসনে কটকটীয়া কৰি তুলিছে নিৰাপত্তা ব্যৱস্থ।