ৰাম মাধৱৰ সংবাদমেল সম্বোধন

ৰাম মাধৱে সংবাদমেল সম্বোধন কৰি মোডী চৰকাৰৰ নেতৃত্বত পুনৰ এন.ডি.এ. চৰকাৰ কেন্দ্ৰত গঠন হ'ব বুলি উল্লেখ কৰে

গুৱাহাটী,19 এপ্ৰিলঃ শুকুৰবাৰে ভাৰতীয় জনতা পাৰ্টীৰ ৰাষ্ট্ৰীয় সাধাৰণ সম্পাদক ৰাম মাধৱে সম্বোধন কৰে এখন সংবাদমেল । ভাৰতীয় জনতা পাৰ্টি অসম প্ৰদেশৰ হেঙাবাৰীস্থিত কাৰ্যালয়ত ৰাম মাধৱে সংবাদমেলখন সম্বোধন কৰি প্ৰধানমন্ত্ৰী নৰেন্দ্ৰ মোডীৰ নেতৃত্বত পুনৰ এন.ডি.এ(NDA) ৰ চৰকাৰ কেন্দ্ৰত গঠন হ’ব বুলি মন্তব্য কৰে । লগতে নিজ-নিজ ঠাইত মুখ ঠেকেচা খোৱা কংগ্ৰেছ নেতাসকল অসমত আহি প্ৰধানমন্ত্ৰী নৰেন্দ্ৰ মোদীৰ বিৰুদ্ধে বৰ-বৰ কথা কৈ আছে বুলিও উল্লেখ কৰে সংবাদমেলত । আনহাতে, তৰুণ গগৈৰ শাসন কালতে অসমত অবৈধ নাগৰিকে বাংলাদেশৰ পৰা অসমলৈ আহিছিল বুলি সংবাদমেলত মত পোষণ কৰাৰ লগতে তৰুণ গগৈ শাসন কালত অসমত আটাইতকৈ বেছি দুৰ্নীতি হৈছে বুলি মন্তব্য কৰে ।