প্ৰথম পৰ্যায়ৰ নিৰ্বাচনকলৈ সাজু মাৰ্ঘেৰিটা

মাৰ্ঘেৰিটাত শান্তিপূৰ্ণ আৰু নিকাভাৱে প্ৰথম পৰ্যায়ৰ নিৰ্বাচন অনুষ্ঠিত কৰিবলৈ সাজু আৰক্ষী আৰু প্ৰশাসন, ১,৮৪,০৪০ গৰাকী ভোটাৰে কৰিব ভোটদান

মাৰ্ঘেৰিটা, ১০ এপ্ৰিলঃ লোকসভা নিৰ্বাচনৰ প্ৰথম পৰ্যায়ৰ ভোটগ্ৰহণ প্ৰক্ৰিয়া আৰম্ভ হ'বলৈ মাজত মাত্ৰ কেইটামান মুহূৰ্ত । ইতিমধ্যেই নিৰ্বাচনৰ বাবে কটকটীয়া কৰি তোলা হৈছে নিৰাপত্তা বেষ্টনী । বুধবাৰে অনুষ্ঠিত হ'বলগীয়া প্ৰথম পৰ্যায়ৰ নিৰ্বাচনৰ বাবে সাজু হৈ উঠিছে তিনিচুকীয়া জিলাৰ মাৰ্ঘেৰিটা মহকুমাও। মাৰ্ঘেৰিটাত সম্পূৰ্ণ মুক্ত, নিকা আৰু শান্তিপূৰ্ণভাৱে নিৰ্বাচন প্ৰক্ৰিয়া চলাই নিবলৈ সাজু আৰক্ষী তথা প্ৰশাসন । মহকুমাটোত মুঠ ২৪৩ টা ভোটগ্ৰহণ কেন্দ্ৰলৈ পুৱাৰে পৰা ই.ভি.এম,ভি.ভি.পি.এ.টি আৰু পলিং সামগ্ৰীসমুহ লৈ ৰাওনা হৈছে প্ৰিজাইডিং আৰু পলিং বিষয়াসকল । নিৰ্বাচনৰ বাবে মহকুমাটোত নিয়োগ কৰা হৈছে মুঠ ৫৯২৪ জন প্ৰিজাইডিং আৰু পলিং বিষয়া । ১,৮৪,০৪০ গৰাকী ভোটাৰে ভোটদান কৰিবলগা মাৰ্ঘেৰিটা মহকুমাত প্ৰথম পৰ্যায়ৰ নিৰ্বাচনৰ বাবে জনসাধৰণৰ মাজত বৃদ্ধি পাইছে ব্যাপক উৎসাহ,উদ্দীপনা ।