মনোনয়ন দাখিল কৰিলে বীৰেন্দ্ৰ প্ৰসাদ বৈশ্যই

মঙলবাৰে বিধানসভাত নিজৰ মনোনয়ন দাখিল কৰে অগপৰ বীৰেন্দ্ৰ প্ৰসাদ বৈশ্যই ৷

গুৱাহাটী, 28 মেঃ অসমৰ দ্বিতীয়খন ৰাজ্য়সভা আসনৰ বাবে মনোনয়ন দাখিল কৰিলে অগপৰ বীৰেন্দ্ৰ প্ৰসাদ বৈশ্যই ৷ বিধানসভাত সৰ্বানন্দ সোণোৱাল, হিমন্ত বিশ্ব শৰ্মা, অতুল বৰাৰ লগতে বহুকেইগৰাকী নেতাৰ উপস্থিতিত মনোনয়ন দাখিল কৰে অগপৰ জ্যেষ্ঠ নেতাগৰাকীয়ে ৷ ৰিটাৰ্নিং বিষয়া অমৰেন্দ্ৰ বৰুৱাৰ হাতত মনোনয়ন দাখিল কৰে বৈশ্যই ৷

বৈশ্যৰ মনোনয়ন পত্ৰত স্বাক্ষৰ কৰে মুখ্যমন্ত্ৰী সৰ্বানন্দ সোণোৱাল, বিজেপিৰ ৰাজ্যিক সভাপতি ৰঞ্জিত দাস, মন্ত্ৰী চন্দ্ৰমোহন পাটোৱাৰী, হিমন্ত বিশ্ব শৰ্মা, অতুল বৰা, ৰিহন দৈমাৰী, বিমল বৰা, চন্দন ব্ৰহ্ম, কেশৱ মহন্তই মনোনয়ন পত্ৰত স্বাক্ষৰ কৰে ৷