সোণাপুৰত কংগ্ৰেছ নেত্ৰী ববিতা শৰ্মাৰ নিৰ্বাচনী প্ৰচাৰ

সোণাপুৰ বজাৰত খোজকাঢ়ি জেষ্ঠজনক গামোচা পিন্ধাই আশীৰ্বাদ লয় ববিতা শৰ্মাই ৷

গুৱাহাটী,21 এপ্ৰিলঃ প্ৰাৰ্থীসকল ব্যস্ত হৈ আছে নিৰ্বাচনী প্ৰচাৰত৷ 7 নং গুৱাহাটী লোকসভা সমষ্টিৰ কংগ্ৰেছ দলৰ প্ৰাৰ্থী ববিতা শৰ্মাই কৰি তুলিছে নিজৰ নিৰ্বাচনী প্ৰচাৰ তুংগত৷ শনিবাৰে কংগ্ৰেছ নেত্ৰী গৰাকীয়ে প্ৰচাৰ চলাই ডিমৰিয়া অঞ্চলত৷ সোণাপুৰ বজাৰত খোজকাঢ়ি জেষ্ঠজনক গামোচা পিন্ধাই আশীৰ্বাদ লয়৷ তেওঁক এই নিৰ্বাটনী প্ৰচাৰত সংগ দিয়ে প্ৰাক্তন মন্ত্ৰী অকন বৰা,মানস বৰা আৰু ৰকিবুল হুছেইনে৷ প্ৰচাৰৰ মাজতে ভাষণ প্ৰসংগত নেত্ৰী গৰাকীয়ে প্ৰধানমন্ত্ৰী নৰেন্দ্ৰ মোডীক কটাক্ষ কৰি কয় যে বিদেশী খেদিম বুলি কোৱা প্ৰধানমন্ত্ৰী গৰাকীয়ে এতিয়া বিদেশী খেদাৰ পৰিৱৰ্তে বিদেশী আগমনৰহে প্ৰচেষ্টা চলাইছে বুলি কয়৷