কোকৰাঝাৰত ইউপিপিএল প্ৰাৰ্থী ইউ.জি.ব্ৰহ্মৰ হৈ নিৰ্বাচনী প্ৰচাৰ

কোকৰাঝাৰত পুনৰ বদৰউদ্দিন আজমলৰ ইউপিপিএলৰ হৈ নিৰ্বাচনী প্ৰচাৰ । কোকৰাঝাৰৰ ফকিৰাগ্ৰামত দেওবাৰে তৃতীয় পৰ্যায়ৰ নিৰ্বাচনৰ প্ৰচাৰৰ অন্তিম দিনত বদৰউদ্দিন আজমলে ইউপিপিএলৰ হৈ নিৰ্বাচনী প্ৰচাৰ কৰি বিটিচি মূৰব্বী হাগ্ৰামা মাহিলাৰী আৰু বিজেপিক তুলাধুনা দিয়ে ।

কোকৰাঝাৰ, 21 এপ্ৰিলঃ বৃহৎ নিৰ্বাচনী প্ৰচাৰত নিজৰ বক্তব্যত আজমলে কয় যে হাগ্ৰামা মাহিলাৰীয়ে বিজেপি আৰু হিমন্ত বিশ্ব শৰ্মাৰ লগ এৰক নহ’লে ধ্বংস হৈ যাব হাগ্ৰামা । ইউপিপিএলৰ নিৰ্বাচনী চিহ্ন ট্ৰেক্টৰে নাঙল ধ্বংস কৰি দিব বুলিও মন্তব্য বদৰুদ্দিন আজমলৰ ৷
সাংবাদিকৰ প্ৰশ্নত আজমল কয় যে এইবাৰ এআইইউদিএফে তিনি খন নহয় চাৰি খন আসন জয় কৰাটো নিশ্চিত কিয়নো কোকৰাঝাৰ আসনখন এআইইউডিএফৰে অংগ । বিজেপি আৰু কংগ্ৰেছ এইবাৰ নিশেষ হৈ যাব বুলিও কয় তেওঁ ।

ইউপিপিএল প্ৰাৰ্থী ইউ.জি.ব্ৰহ্মই নিজৰ ভাষণত কয় এইবাৰ কেৱল লোকসভা নহয় আগন্তুক বিটিচিৰ নিৰ্বাচনত পৰাজয় হোৱাতো নিশ্চিত দুয়োটা দল ৷ হাগ্ৰামা মহিলাৰীৰ নাটক শেষ সময় আহিছে বুলিও কয় তেওঁ ।

5 নং কোকৰাঝাৰ লোকসভা সমষ্টিৰ যুঁজত নামিছে বিভিন্ন ৰাজনৈতিক দলৰ । এআইইউডিএফৰ কাৰ্যকৰী সভাপতি অদিত্য লাংথাচাকে ধৰি আন বহু নেতাই অংশগ্ৰহণ কৰে এই নিৰ্বাচনী প্ৰচাৰত । প্ৰায় এক হাজাৰৰো অধিক জনতাই নিৰ্বাচনী প্ৰচাৰত অংশগ্ৰহণ কৰে ।