জনীয়া, 12 জুন : কলগাছিয়া আৰক্ষী থানাৰ অন্তৰ্গত গুনিয়ালগুৰি গাঁৱৰ আব্বাছ আলীৰ ঘৰৰ পৰা আফলুজা খাতুনৰ দুই বছৰীয়া পুত্ৰ আল আমিন ইছলাম (2)ক বঙাইগাঁও জিলাৰ ছালাবিলা ভাণ্ডাৰা গাঁৱৰ ইনজামুল হকে মোস্তাফিজৰ ৰহমান আৰু জেকিবুৰ ৰহমান নামৰ দুগৰাকী ভাড়াতীয়া গুণ্ডাক লৈ AS 15 G 6764 নম্বৰৰ এখন হুণ্ডাই ইয়ন বাহনেৰে অপহৰণ কৰি লৈ যাবলৈ চেষ্টা চলোৱাত ৰাইজে আটক কৰে ।
কলগাছিয়াৰ গুণিয়ালগুৰিত শিশু অপহৰণকাৰী আটক
জানিব পৰা মতে অপহৰণকাৰীজন শিশুটিৰ নিজৰে খুৰা হয় যদিও পৰিয়ালৰ অমতত বলপূৰ্বকভাৱে শিশুটিক লৈ যাবলৈ চেষ্টা কৰাত এক ৰহস্যৰ সৃষ্টি হৈছে । আনহাতে অপহৰণকাৰী ইনজামুল হকে ইণ্ডিয়ান আৰ্মীত চাকৰি কৰে যদিও চুটিলৈ ঘৰত আহিছিল । যুৱকজনে AS15L 8972 নম্বৰৰ টি ভি এছ আপাচি বাইক এখনো লৈ আহে ঘৰখনলৈ ।