বিশ্বনাথ, ৮ নৱেম্বৰ : ৰাজ্যত যেন ড্ৰাগছ আৰু অবৈধ নিচা যুক্ত সামগ্ৰী এটা সমাধান নোহোৱা অংক হৈ পৰিছে ৷ যিমানেই আৰক্ষীয়ে নতুন নতুন অপৰাধীক আটক কৰিছে সিমানেই নতুন পদ্ধতিৰে সৰবৰাহকাৰীয়ে কঢ়িয়াইছে এই বৰবিহ সমূহ ৷ পিছে, এৰি দিয়া নাই অসম আৰক্ষীয়েও ,একে সময়তে সমগ্ৰ ৰাজ্যৰ লগতে বিশ্বনাথ জিলা আৰক্ষীয়েও অব্যাহত ৰাখিছে নিচাযুক্ত দ্ৰব্য বিৰোধী অভিযান ।
সোমবাৰে বিশ্বনাথ জিলা আৰক্ষীৰ এটা দলে অভিযানত জিনজিয়া আৰক্ষী থানাৰ অন্তৰ্গত বাঘমাৰিৰ চাহ বাগিচাৰ ৫ নং লাইনৰ পৰা বৃহৎ পৰিমাণৰ গাঞ্জাসহ জব্দ কৰে নগদ ৩,১১,১৮০ টকা । এক গোপন সূত্ৰৰ পম খেদি সোমবাৰে বিশ্বনাথ জিলাৰ অতিৰিক্ত আৰক্ষী অধীক্ষক কুলেন্দ্ৰ নাথ ডেকা আৰু ডি এছ পি জয়ন্ত বৰুৱাৰ নেতৃত্বত জিনজিয়া আৰক্ষী থানাৰ আৰক্ষী বিষয়াৰ লগতে ৩০ নং অৰ্ধ সামৰিক বাহিনীৰ এটা দলে চলাই এক বিশেষ অভিযান ৷
গাঞ্জাৰ ব্যৱয়াস কৰি ধন সহ আৰক্ষীৰ হাতত পৰিল মালতী বাইদেউ