নগাঁও সীমান্তৱৰ্তী জৰাবাৰীত মৃতদেহ উদ্ধাৰ

নগাঁও সীমান্তৱৰ্তী জৰাবাৰীত মৃতদেহ উদ্ধাৰ ৷ নিশা কোনো ব্যক্তিয়ে হত্যা কৰি পেলাই থৈ যোৱাৰ সন্দেহ পৰিয়ালৰ লোকৰ ৷

মৰিগাঁও, 23 এপ্ৰিল : নগাঁও সীমান্তৱৰ্তী জৰাবাৰীত উদ্ধাৰ হৈছে এটা মৃতদেহ ৷ জৰাবাৰী গাঁও পঞ্চায়তৰ সমীপত উদ্ধাৰ হোৱা মৃতদেহটো জৰাবাৰী গাঁৱৰ নিতাই নাথ বুলি জানিব পৰা গৈছে ৷ ঘটনাৰ বিৱৰণী মতে, ৰহা থানাৰ অন্তৰ্গত জৰাবাৰীৰ ৰিংচৰা গাঁৱৰ নিতাই নাথে নিশা বাৰপূজীয়াত গাঁৱৰ এজন যুৱকৰ লগত বন্ধুৰ সৈতে খানা খাবলৈ গৈছিল ৷

পিছত নিশা ঘৰলৈ উভতি নাহিল ব্যক্তিজন ৷ পুৱা ঘৰৰ পৰা কিছু নিলগত পথৰ দাঁতিত মটৰচাইকেল সহ উদ্ধাৰ হয় মৃতদেহটো ৷ নিশা কোনো ব্যক্তিয়ে লোকজনক হত্যা কৰি পেলাই থৈ যোৱাৰ সন্দেহ কৰিছে পৰিয়ালৰ লোকে ৷

লগতে পঢ়ক :চিৰাঙত ষ্ট্ৰং ৰুম পৰিদৰ্শন আৰক্ষীৰ বিশেষ সঞ্চালক প্ৰধানৰ