দলগাঁও,৬ আগষ্ট : দৰং জিলা (Darrang District)ৰ দলগাঁৱত শুকুৰবাৰে হস্তনিৰ্মিত পিষ্টল (Handmade Pistol) সহ এজনলোকক আটক (Arrest) কৰা হয় ৷ ধৃত লোকজনৰ নাম হবিবুৰ ৰহমান ৷ দলগাঁৱৰ চোকাবাহী গাঁৱৰ গাঁওৰক্ষী বাহিনী (Village Guard)ৰ সহযোগত দলগাঁও আৰক্ষী (Dalgaon Police)য়ে আটক কৰে হবিবুৰ ৰহমানক ৷ হবিবুৰৰ পৰা হস্তনিৰ্মিত পিষ্টলৰ সৈতে দুটা গুলীও (Bullet) জব্দ (Seized) কৰে আৰক্ষীয়ে ৷
জানিব পৰা মতে, ধৃত হবিবুৰৰ ঘৰ ৰৌতাৰ ইকৰাবাৰী গাঁৱত ৷ হবিবুৰ ৰহমানে চোকাবাহী গাঁৱত সন্দেহজনক অৱস্থাত ঘুৰি ফুৰাত কোনো ডকাইতি অথবা চুৰিকাণ্ড কৰিবলৈ অহা বুলি গাঁওৰক্ষী বাহিনীৰ লোকৰ মনত সন্দেহ হয় ৷ সন্দেহ হোৱাত হবিবুৰক আটক কৰে হবিবুৰক ৷ ইফালে হবিবুৰক তালাচি কৰাত এটা হস্ত নিৰ্মিত পিস্তল প্ৰত্যক্ষ কৰে গাঁওৰক্ষীবাহিনীয়ে ৷
ততালিকে পিষ্টলৰ সৈতে ধৃত হবিবুৰক দলগাঁও আৰক্ষী থানা (Dalgaon Police Station) ত চমজাই দিয়ে ৷ ইতিমধ্যে অধিক তথ্যৰ বাবে হবিবুৰক জেৰা অব্যাহত ৰাখিছে আৰক্ষীয়ে ৷ আৰক্ষীৰ তদন্তৰ অন্ততহে ওলাই পৰিব উক্ত ঘটনাটোৰ প্ৰকৃত ৰহস্য ৷ ঘটনাটোৰ বাবে অঞ্চলজুৰি তীব্ৰ চাঞ্চল্যই বিৰাজ কৰিছে ৷
লগতে পঢ়ক -বাক্সাত গাঞ্জা ব্যৱসায়ীলৈ লক্ষ্য কৰি আৰক্ষীৰ গুলী