দিনদুপৰতে তিনিচুকীয়াত ডকাইতি কাণ্ড

তিনিচুকীয়াত দিনদুপৰতে ডকাইতি কাণ্ড । হাতত মাৰনাস্ত্ৰ লৈ ডকাইতি কাণ্ড তিনি জনীয়া দুৰ্বৃত্তৰ দলৰ ।

তিনিচুকীয়া, 16 জুন : তিনিচুকীয়াত অঘটন ৷ দিনদুপৰতে ডকাইতি কাণ্ড ৷ হাতত মাৰনাস্ত্ৰ লৈ ডকাইতি কাণ্ড তিনি জনীয়া দুৰ্বৃত্তৰ দলৰ ৷ তিনিচুকীয়া জিলাৰ ন-পুখুৰীৰ মছজিদ পট্টি ৰোডৰ ব্যক্তি এজনৰ ঘৰত সংঘটিত হৈছে এই ডকাইতি কাণ্ড ৷ দিনৰ প্ৰায় ১১:৩০ বজা নপুখুৰীৰ মছজিদ পট্টি ৰোডৰ সুৰেশ কেৰিয়াৰ নামৰ এজন ব্যক্তিৰ ঘৰত প্ৰৱেশ কৰিছিল তিনি জনীয়া দুৰ্বৃত্তৰ দলটোৱে ৷

ঘৰৰ ব্যক্তিয়ে জানিবলৈ দিয়া মতে, প্ৰথমে ঘৰৰ সকলো সদস্যক চকুত কাপোৰ বান্ধি ঘৰৰ পৰা এডাল সোণৰ চেইন, এটা সোণৰ আঙুঠি আৰু ৫টা মোবাইল ফোন লৈ পলায়ন কৰে দলটোৱে । সমগ্ৰ ঘটনা সন্দৰ্ভত ঘটনাস্থলীত তিনিচুকীয়া আৰক্ষী উপস্থিত হৈ তদন্ত অব্যাহত ৰাখিছে ৷