বঙাইগাঁও, 2 ফেব্ৰুৱাৰী:বঙাইগাঁও জিলাৰ নিউ বঙাইগাঁও ৰে'ল ষ্টেচনত মঙলবাৰে পিষ্টল সহ বৃহৎ পৰিমাণৰ সজীৱ গুলি উদ্ধাৰ কৰে ৰে'লৱে আৰক্ষীয়ে । মঙলবাৰে আবেলি চাৰি বজাত নামনিমুৱা নৰ্থ ইষ্ট এক্সপ্ৰেছ ৰে'ল খনৰ পৰা ১০০০ জাঁই সজীৱ গুলী সহ এটা পিস্তল উদ্ধাৰ কৰে নিউ বঙাইগাঁও ৰে'ল আৰক্ষীয়ে । ৰে'লখনত পোৱা দুটা বেগত সৰু সৰুকৈ ৫০ টা পেকেটত গুলীবোৰ সুমুৱাই থোৱা অৱস্থাতে উদ্ধাৰ কৰিবলৈ সক্ষম হয় ।
নাগালেণ্ডৰ ডিমাপুৰৰ পৰা অহা যাত্ৰীবাহী ৰে'ল খনত উদ্ধাৰ হোৱা অস্ত্ৰ সহ গুলিবোৰ বিহাৰৰ বক্সৰলৈ নিয়া হৈছিল বুলি সন্দেহ আৰক্ষীয়ে সন্দেহ প্ৰকাশ কৰিছে । উদ্ধাৰ হোৱা বেগটোৰ গৰাকী এজন চিআৰপিএফ জোৱান বুলি জানিব পৰা গৈছে । জোৱানজনৰ নাম অশোক কুমাৰ যাদৱ । অৱশ্যে চিআৰপিএফ জোৱান জন পলায়ন কৰিবলৈ সক্ষম হয় । জব্দ কৃত অস্ত্ৰ সহ গুলিসমূহ ক'ৰ পৰা কেনেকৈ অনা হৈছিল, তাক লৈ এক চাঞ্চল্যৰ সৃষ্টি হৈছে ৷ ঘটনাটোক লৈ ৰে'ল আৰক্ষীয়ে তদন্ত অব্যাহত ৰাখিছে । আৰক্ষীৰ তদন্তৰ অন্ততহে পোহৰলৈ আহিব ঘটনাটোৰ প্ৰকৃত ৰহস্য ৷
লগতে পঢ়ক-ৰিপুণ বৰাৰ চুনামি বাংলাদেশত আহিবঃ হিমন্ত বিশ্ব শৰ্মা
