প্ৰেমৰ প্ৰস্তাৱ নাকচ কৰাৰ বাবেই যুৱতীৰ ডিঙি ৰেপি হত্যা

অন্ধ্ৰ প্ৰদেশৰ এজন যুৱকে এগৰাকী যুৱতীৰ তেওঁৰ প্ৰেমৰ প্ৰস্তাৱ নাকচ কৰাৰ পিছত ডিঙি ৰেপি হত্যা কৰে । ইয়াৰ পিছতে ভুক্তভোগীৰ আত্মীয় সহ গাওঁবাসীয়ে অভিযুক্তজনক প্ৰহাৰ কৰে ।

নেশ্যনেল ডেস্ক, 19 জুন :অন্ধ্ৰ প্ৰদেশৰ কাডাপা জিলাত অঘটন ৷ প্ৰেমৰ প্ৰস্তাৱ নাকচ কৰাৰ বাবেই এজন যুৱকে এগৰাকী যুৱতীৰ ডিঙি ৰেপি হত্যা কৰাৰ অভিযোগ উত্থাপন হৈছে ৷ শুকুৰবাৰে অন্ধ্ৰ প্ৰদেশৰ কাডাপা জিলাৰ চিন্তলা চেৰুভু গাঁৱত সংঘটিত হৈছে এই ঘটনা ৷ অভিযুক্ত যুৱকজন চৰণ বুলি জানিব পৰা গৈছে । যুৱকজনৰ বয়স 21 বছৰ ৷

জানিব পৰা মতে, দীৰ্ঘদিন ধৰি চৰণে ছোৱালীজনীক অনুসৰণ কৰি আছিল । অৱশ্যে, ছোৱালীজনীয়ে তেওঁৰ প্ৰস্তাৱ নাকচ কৰিছিল ৷ শুকুৰবাৰে চৰণে ছোৱালীজনীক অনুসৰণ কৰি তাইৰ ডিঙি ৰেপি হত্যা কৰে ৷ সংবাদ মাধ্যমৰ আগত এই কথা প্ৰকাশ কৰে বদভেল গ্ৰাম্য আৰক্ষী থানাৰ উপ-পৰিদৰ্শক চন্দ্ৰশেখৰে ৷

এই ঘটনাৰ পটভূমিত ভুক্তভোগীৰ আত্মীয় সহ গাওঁবাসীয়ে প্ৰহাৰ কৰাত গুৰুতৰভাৱে আঘাতপ্ৰাপ্ত হয় অভিযুক্ত চৰণ ৷ সম্প্ৰতি চৰণক বেডভেল চৰকাৰী চিকিৎসালয়ত ভৰ্তি কৰোৱা হৈছে ৷ আৰক্ষীয়ে অভিযুক্ত চৰণক আটক কৰাৰ লগতে ঘটনা সন্দৰ্ভত তদন্ত অব্যাহত ৰাখিছে ৷