বঙাইগাঁৱৰ ৭ নং বাশবাৰীৰ পৰা নিৰুদ্দেশ নৱম শ্ৰেণীৰ ছাত্ৰী

মাণিকপুৰৰ ৭নং বাশবাৰীৰ পৰা নিৰুদ্দেশ এগৰাকী নৱম শ্ৰেণীৰ ছাত্ৰী । দুই সন্তানৰ পিতৃয়ে অপহৰণ কৰাৰ অভিযোগ উত্থাপন কৰিছে কিশোৰীগৰাকীৰ পৰিয়ালে ৷

বঙাইগাঁও, 30 জুলাই : বঙাইগাঁও জিলা (Bongaigaon District)ৰ মাণিকপুৰ আৰক্ষী থানাৰ অন্তৰ্গত ৭ নং বাশবাৰীৰ পৰা নিৰুদ্দেশ হৈছে এগৰাকী নৱম শ্ৰেণীত অধ্যয়নৰত ছাত্ৰী ৷ যোৱা সোমবাৰৰ পৰা নিৰুদ্দেশ ছাত্ৰীগৰাকী ৷ ছাত্ৰীগৰাকীৰ বয়স 15 বছৰ ৷ বহু বিচাৰ খোচাৰ কৰিও এতিয়ালৈ ছাত্ৰীগৰাকীৰ কোনো সন্ধান উলিয়াব পৰা নাই পৰিয়ালৰ লোকে ৷

উল্লেখ্য যে, কিশোৰী গৰাকীয়ে বায়েকৰ ঘৰৰ পৰা নিজ গৃহলৈ চাইকেল লৈ গৈছিল বুলি জানিব পৰা গৈছে ৷ গৈ থকাৰ সময়তে ৭ নং বাশবাৰীৰ পৰা নিৰুদ্দেশ হয় ছাত্ৰীগৰাকী । কিশোৰীগৰাকীক কলগাছিয়া আৰক্ষী থানাৰ অন্তৰ্গত ৬ নং বগুলামাৰী লালচান মোল্লা নামৰ ব্যাক্তিজনে অপহৰণ কৰা বুলি অভিযোগ উত্থাপন কৰিছে পৰিয়ালৰ লোকে ।

লগতে পঢ়ক -শিশুক ধৰ্ষণ কৰি ৰঙাঘৰৰ আলহী 55 বছৰীয়া ব্যক্তি

লালচান মোল্লাই পূৰ্বতে কিশোৰী গৰাকীৰ ঘৰত অহাযোৱা কৰি বিভিন্ন ইংগিত দিয়া বুলিও অভিযোগ পৰিয়ালৰ ৷ ইতিমধ্যে ঘটনা সন্দৰ্ভত কিশোৰীৰ পিতৃয়ে ছালাবিলা আৰক্ষী চকীত এজাহাৰ দাখিল কৰিছে ।

ঘটনাটোৰ সন্দৰ্ভত তদন্ত অব্যাহত ৰাখিছে আৰক্ষীয়ে ৷ অৱশ্যে আৰক্ষীৰ তদন্তৰ অন্ততহে ওলাই পৰিব প্ৰকৃত ৰহস্য ৷

লগতে পঢ়ক - আৰক্ষীৰ জালত খ্ৰীষ্ট ধৰ্ম প্ৰচাৰক ৰঞ্জন চুতীয়া