শদিয়া, 30 অক্টোবৰ :ডুমডুমাৰ দৈদাম চাহ বাগিচাৰ চাহ শ্ৰমিকে শনিবাৰে ন্যায্য প্ৰাপ্তিৰ দাবীত বাগিচাখনৰ কাৰ্যালয় ঘেৰাও কৰি তীব্ৰ প্ৰতিবাদ সাব্যস্ত কৰে ৷ ৱাৰেন টি লিমিটেডৰ ডুমডুমাৰ দৈদাম চাহ বাগিচাৰ চাহ শ্ৰমিকে ন্যায্য প্ৰাপ্যৰ দাবী জনাই আহিছে যদিও বৰ বৰ শ্ৰমিক নেতাৰ মধ্যস্থতাত অনুষ্ঠিত আলোচনাকো বুঢ়া আঙুলি দেখুৱাই বাগিচা কৰ্তৃপক্ষই বাগিচাখনৰ চাহ শ্ৰমিকক ন্যায্য প্ৰাপ্যসমূহৰ পৰা বঞ্চিত কৰি আহিছে ৷ যাৰবাবে শনিবাৰে ক্ষোভিত শ্ৰমিকে বাগিচাখনৰ কাৰ্যালয় ঘেৰাও কৰি উত্তাল প্ৰতিবাদ সাব্যস্ত কৰে ৷
দৈদাম চাহ বাগিচাত চাহ শ্ৰমিকৰ প্ৰতিবাদ
উল্লেখ্য যে, বিভিন্ন সমস্যাৰে জৰ্জৰিত চাহ শ্ৰমিকৰ তথাকথিত নেতাসকলে বিভিন্ন পন্থা অৱলম্বন কৰি তথা ভুৱা প্ৰতিশ্ৰুতিৰে সাংসদ-বিধায়কৰ পদ শুৱনি কৰি আহিছে যদিও খাটিখোৱা চাহ শ্ৰমিকে হাড়ভঙা শ্ৰমৰ বিনিময়ত পাবলগীয়া প্ৰাপ্যৰ বাবে হাহাকাৰ কৰিবলগীয়া হৈছে ৷