তিনিচুকীয়া,7 জুলাই: কৃষক মুক্তি সংগ্ৰাম সমিতিৰ উপদেষ্টা অখিল গগৈৰ মুক্তিৰ দাবীত তিনিচুকীয়াত টাই আহোম যুৱ পৰিষদে তীব্ৰ প্ৰতিবাদ সাব্যস্ত কৰে ৷ প্ৰতিবাদকাৰী সকলে তিনিচুকীয়া চহৰত চৰকাৰৰ বিৰুদ্ধে বিভিন্ন শ্ল'গান দি পৰিৱেশ উত্তাল কৰি তোলে ৷
'কা' বিৰোধী আন্দোলনৰ সবল নেতা তথা কৃষক মুক্তি সংগ্ৰাম সমিতিৰ উপদেষ্টা অখিল গগৈৰ লগতে আন-আন কাৰাবন্দী নেতাসকলক মুক্তিৰ দাবীত মঙলবাৰে তিনিচুকীয়াত টাই আহোম যুৱ পৰিষদে এক প্ৰতিবাদী কাৰ্যসূচী ৰূপায়ণ কৰে ৷ প্ৰতিবাদকাৰী সকলে সাংবাদিকৰ আগত মন্তব্য কৰে যে, চৰকাৰে ষড়যন্ত্ৰমুলক ভাবে অখিল গগৈৰ লগতে কা বিৰোধী আন নেতা সকলক ইটোৰ পিছত সিটো গোচৰ জাপি কাৰাবন্দী কৰি ৰাখিছে ৷ প্ৰতিবাদকাৰী সকলে এই কাৰ্যৰ ঘোৰ বিৰোধিাত কৰি অতি শীঘ্ৰে বিনাচৰ্তে কৃষক নেতা গৰাকীক মুকলি কৰি দিবলৈ দাবী তোলে ৷ অন্যথা জংগী আন্দোলন গঢ়ি তুলিব বুলি চৰকাৰক সকীয়নি দিয়ে প্ৰতিবাদকাৰী সকলে ৷