আলোচনাৰ মেজলৈ আহিব নেকি পৰেশ বৰুৱা: কি বিচাৰে পৰিয়ালে !

ৰাষ্ট্ৰীয় পৰ্যায়ৰ এখন আলোচনীত প্ৰকাশ পাইছে পৰেশ বৰুৱাৰ প্ৰত্যাগমনৰ বাতৰি ৷ আলফা স্বাধীনৰ মুখ্য সেনাধ্যক্ষ পৰেশ বৰুৱাৰ জেৰাই গাঁৱৰ পৰিয়ালেও আলোচনাৰ প্ৰতি সন্মতি প্ৰকাশ কৰিছে ৷

তিনিচুকীয়া, 29 জানুৱাৰী :এন ডি এফ বিৰ অস্ত্ৰ সম্বৰণ প্ৰক্ৰিয়াৰে বড়ো শান্তি চুক্তি স্বাক্ষৰ হোৱাৰ পাছত উত্থাপন হৈছে আলফা স্বাধীনৰ আলোচনাৰ প্ৰসংগ ৷ আলোচনাৰ মেজলৈ আহিব নেকি পৰেশ বৰুৱা ৷ ৰাষ্ট্ৰীয় পৰ্যায়ৰ এখন আলোচনীত প্ৰকাশ পাইছে পৰেশ বৰুৱাৰ প্ৰত্যাগমনৰ বাতৰি ৷

আলোচনীখনৰ মতে, এপ্ৰিলত আলোচনাত বহিব পৰেশ বৰুৱা ৷ চৰকাৰেও আলোচনাৰ বাবে আলফা স্বাধীনক আহ্বান জনাইছে ৷ এই সমগ্ৰ বিষয়টোলৈ ৰাজ্যজুৰি সৃষ্টি হৈছে ব্যাপক প্ৰতিক্ৰিয়া ৷ চ'ছিয়েল মিডিয়াটো দেখা গৈছে পৰেশ বৰুৱা আৰু শান্তি চুক্তি সন্দৰ্ভত বিভিন্ন জনৰ বিভিন্ন মত ৷ আলফা স্বাধীনৰ মুখ্য সেনাধ্যক্ষ পৰেশ বৰুৱাৰ জেৰাই গাঁৱৰ পৰিয়ালেও আলোচনাৰ সন্মতি প্ৰকাশ কৰিছে ৷

বহুসময়ত এইদৰে পৰেশ বৰুৱাৰ প্ৰত্যাগমনৰ বাতৰি প্ৰকাশ পাই আহিছে যদিও, শান্তি আলোচনা সন্দৰ্ভত পৰেশ বৰুৱাই কি স্থিতি গ্ৰহণ কৰে সেয়া এতিয়াও স্পষ্ট হোৱা নাই ৷ এই সন্দৰ্ভত আমাৰ এক বিশেষ প্ৰতিবেদন ..... সঁচাকৈ আলোচনাৰ মেজলৈ আহিব নেকি পৰেশ বৰুৱা !