তিনিচুকীয়া চহৰত ভয়ংকৰ অগ্নিকাণ্ড

কেইবাটাও বাসগৃহ ব্যৱসায়িক প্ৰতিষ্ঠানৰ লগতে জুইত জাহ যায় 6 লক্ষাধিক টকাৰ সা-সামগ্ৰী ৷ হতাহত হোৱা নাই এজনো লোক ৷

তিনিচুকীয়া, 20 এপ্ৰিল : তিনিচুকীয়া চহৰৰ মাজমজিয়া লালবাংলাৰ ৰামেশ্বৰ ষ্ট্ৰীলৰ সমীপত শনিবাৰে সন্ধিয়া সংঘটিত হয় ভয়ংকৰ অগ্নিকাণ্ডৰ ৷ এখন ব্যৱসায়িক প্ৰতিষ্ঠানত হোৱা চৰ্ট-চাৰ্কিতৰ ফলত সংঘটিত অগ্নিকাণ্ড ৷ অগ্নিকাণ্ডটোত কেইবাটাও বাসগৃহৰ লগতে ব্যৱসায়িক প্ৰতিষ্ঠান জাহ যোৱাৰ লগতে ক্ষতি হয় 6 লক্ষাধিক টকাৰ সামগ্ৰী ৷ উক্ত অগ্নিকাণ্ডটোত হতাহত হোৱা নাই এজনো লোক ৷ ততাতৈয়াকৈ ঘটনাস্থলীত অগ্নিনিৰ্বাপক বাহিনী উপস্থিত হৈ বহু সময়ৰ অন্তত নিৰ্বাপিত কৰে জুই ৷

ইপিনে ঘটনাস্থলীত মন্ত্ৰী পল্লৱ লোচন দাস আৰু স্থানীয় বিধায়ক সঞ্জয় কিষাণ উপস্থিত হৈ ঘটনাৰ বুজ লোৱাৰ লগতে পৰৱৰ্তী সময়ত ক্ষয় ক্ষতিৰ বুজ লৈ চৰকাৰী ভাৱে ক্ষতিপূৰণ দিয়া হ'ব বুলিও সাংবাদিকৰ আগত মন্তব্য কৰে মন্ত্ৰীগৰাকীয়ে ৷