তেজপুৰ সোণাবিলত ভয়ংকৰ পথ দুৰ্ঘটনা

শোণিতপুৰ জিলাৰ সোণাবিলত ভয়ংকৰ পথ দুৰ্ঘটনা । ট্ৰাক আৰু স্কুটীৰ মাজত হোৱা সংঘৰ্ষত নিহত এজন লোক ৷

তেজপুৰ, ২৫ জানুৱাৰী : শোণিতপুৰ জিলাৰ সোণাবিলত সোমবাৰে সংঘটিত হয় এক ভয়ংকৰ পথ দুৰ্ঘটনা । ট্ৰাক আৰু স্কুটীৰ মাজত হোৱা সংঘৰ্ষৰ ফলত সংঘটিত হয় এই দুৰ্ঘটনা ৷ ১৫ নং ৰাষ্ট্ৰীয় ঘাইপথত সংঘটিত হৈছে এই পথ দুৰ্ঘটনাটো । একেদিশেৰে গৈ থকা AS 01 AC 0588 নম্বৰ এখন ট্ৰাকত পিছফালৰ পৰা খুন্দা মাৰে AS 12 K 8430 নম্বৰৰ স্কুটীখনে ৷ দুৰ্ঘটনাত গুৰুতৰ ভাৱে আহত হয় স্কুটী আৰোহীগৰাকী ৷

যাৰ পাছতেই অতি সংকটজনক অৱস্থাত আহত স্কুটী আৰোহীক তেজপুৰ কনকলতা অসামৰিক চিকিৎসালয়লৈ প্ৰেৰণ কৰা হয় যদিও চিকিৎসালয়লৈ নিয়াৰ পথতে স্কুটী আৰোহীগৰাকীৰ মৃত্যু হয় বুলি জানিবলৈ দিছে যান-বাহন আৰক্ষীয়ে ৷

লগতে পঢ়ক: প্ৰাকৃতিক সৌন্দৰ্যৰে ভৰপূৰ কাজিৰঙা ৰাষ্ট্ৰীয় উদ্যান