তেজপুৰ, 7 অক্টোবৰ : যোৱা নিশাৰ পৰাই গহপুৰত কালৰূপ ধাৰণ কৰিছে ছত্ৰং নৈয়ে ৷ নেৰানেপেৰা বৰষুনৰ ফলত ফেনে ফুটুকাৰে বাঢ়ি অহা নৈখনৰ পানী ইতিমধ্যে 15 নং ৰাষ্ট্ৰীয় ঘাইপথৰ ওপৰেদি বাগৰিছে ৷ বছৰে ইয়াৰ বাবে কোটি কোটি টকা আৱন্টিত হয় যদিও জলসম্পদ বিভাগ আৰু ঠিকাদাৰৰ গাঁফিলতিৰ ফলত এনেদৰে বাৰে বাৰে একে সমস্যাত ভুগিব লগা হৈছে ছত্ৰংবাসী ৰাইজে ৷ যাৰ বাবে এমাহতে 5 বাৰ একেটা সমস্যাৰ সন্মুখীন হৈছে ৰাইজ ৷
নিশা অৰুণাচলৰ পৰা বৈ অহা পাহাৰীয়া ছত্ৰং নৈয়ে মাহটোতে পাঁচবাৰকৈ এই সমস্যাৰ সৃষ্টি কৰাৰ ফলত ছত্ৰংবাসী আজি দিশহাৰা হৈ পৰিছে । জলসম্পদ বিভাগ আৰু ঠিকাদাৰৰ গাঁফিলতিৰ ফলত বাৰে বাৰে একেটা সমস্যাত ভুগি ছত্ৰংবাসীৰ বহুতেই হেৰুৱাব লগা হৈছে ঘৰ-ভেটি ।
আহিনৰ বানৰ কৱলত জয়মতীৰ নিৰ্মাণস্থলী; পথৰ ওপৰেদি বাগৰিছে ছত্ৰঙৰ পানী