ডেকাৰগাঁও আৰু ডিব্ৰুগড় ইন্টাৰচিটি ৰে’ল সেৱাৰ শুভ উদ্বোধনী

ব্ৰহ্মপুত্ৰৰ উত্তৰ পাৰৰ ৰাইজৰ বাবে সুখবৰ ৷ বহু জল্পনা কল্পনাৰ অন্তত উদ্বোধন কৰা হ’ল তেজপুৰ ডেকাৰগাঁও ষ্টেচনৰ পৰা উজনি অসমৰ ডিব্ৰুগড় লৈ যাতায়তৰ বাবে ইন্টাৰচিটি ৰে’ল সেৱা ৷

তেজপুৰ,১৯ আগষ্টঃ ৰাজ্যৰ যাতায়ত ব্যৱস্থাত সংযোজন হ’ল নতুন ৰে’ল সেৱাৰ ৷ ব্ৰহ্মপুত্ৰৰ উত্তৰ পাৰৰ ৰাইজৰ বাবে আহিল এক সুখবৰ ৷ বহু জল্পনা কল্পনাৰ অন্তত উদ্বোধন কৰা হ’ল তেজপুৰ ডেকাৰগাঁও ষ্টেচনৰ পৰা উজনি অসমৰ ডিব্ৰুগড় লৈ যাতায়তৰ বাবে ইন্টাৰচিটি ৰে’ল সেৱা৷ সোমবাৰে পৰীক্ষামূলক ভাৱে উদ্বোধন কৰা হয় ডেকাৰগাঁও-ডিব্ৰুগড় ইন্টাৰচিটি ৰে’ল সেৱাৰ ৷ ৰঙিয়া ডিভিছনৰ এ ডি আৰ এম,সন্তোষ কুমাৰ শৰ্মাই আনুষ্ঠানিক ভাৱে শুভ উদ্বোধন কৰে এই পৰীক্ষামূলক ৰে’ল সেৱাৰ। সপ্তাহটোত পাঁচ দিনৰ বাবে এই ৰে’ল সেৱা আগবঢ়ায় উত্তৰ পূব সীমান্ত ৰে’ল বিভাগে ৷ কেৱল বৃহস্পতিবাৰ আৰু দেওবাৰে বন্ধ থাকিব এই ৰে’লৰ সেৱা বুলি জানিবলৈ দিয়ে ৰঙিয়া ডিভিছনৰ জ্যেষ্ঠ বিষয়া গৰাকীয়ে।

ইপিনে যাত্ৰাৰ প্ৰথমটো দিনাই কোনো ধৰণৰ প্ৰচাৰ নোহোৱাকৈয়ে তেজপুৰৰ পৰা 10,0535 টকাৰ টিকট ডেকাৰগাঁও ৰেলৱে ষ্টেচনত মুঠ ১৩৬ জন যাত্ৰীয়ে সংগ্ৰহ কৰিছে ৷ ইয়াৰে আগতীয়াকৈ টিকট সংগ্ৰহ কৰা যাত্ৰীৰ সংখ্যা আছিল ৭৬ জন ৷

উল্লেখযোগ্য যে,বৰ্তমান এই ৰে’ল খনত কোনো ধৰণৰ বিশেষ ডবা সংযোজন কৰা হোৱা নাই যদিও পৰৱৰ্তী সময়ত যাত্ৰীৰ ওপৰত নিৰ্ভৰ কৰি এই ব্যৱস্থা গ্ৰহণ কৰা হ’ব বুলি জানিবলৈ দিয়ে ৷