অগ্নিপথ আচঁনি সন্দৰ্ভত অসম ৰাইফলছৰ সজাগতামূলক সভা

শোণিতপুৰৰ লখৰাত অসম ৰাইফলছৰ লখৰা বেটেলিয়নৰ উদ্যোগত 'অগ্নিপথ' আচঁনি সন্দৰ্ভত সজাগতামূলক সভা ৷ সদ্যঘোষিত কেন্দ্ৰীয় চৰকাৰৰ 'অগ্নিপথ' আঁচনি সম্পৰ্কেও এই আলোচনা সভাত অসম ৰাইফলছ দ্বাৰা ছাত্ৰ ছাত্ৰীসকলক অৱগত কৰা হয় ।

বিশ্বনাথ, 20 জুন:অসম ৰাইফলছৰ মুখ্য কাৰ্যালয় 21 চেক্টৰৰ অধীনস্থ অসম ৰাইফলছৰ শোণিতপুৰ লখৰা বেটেলিয়ন আৰু ইন্সপেক্টৰ জেনেৰেল অসম ৰাইফলছে (পূৱ) উদ্যোগত সোমবাৰে শোণিতপুৰ কেন্দ্ৰীয় বিদ্যালয় লখৰাৰ ছাত্ৰ-ছাত্ৰীসকলৰ বাবে সশস্ত্ৰ বাহিনীত যোগদান কৰিবলৈ উৎসাহিত কৰা এখন অনুপ্ৰেৰণামূলক আলোচনা সভা অনুষ্ঠিত হয় (Lokhra Battalion of Assam Rifles conducted awareness camp on Agnipath) ।

অগ্নিপথ আচঁনি সন্দৰ্ভত অসম ৰাইফলছৰ সজাগতামূলক সভা

এই আলোচনা সভাত অংশগ্ৰহণ কৰা ছাত্ৰ ছাত্ৰীসকলক ভাৰতীয় সশস্ত্ৰ বাহিনী আৰু সামৰিক বাহিনীত যোগদান কৰাৰ বিভিন্ন পথ আৰু প্ৰৱেশ আঁচনিৰ বিষয়ে অৱগত কৰে অসম ৰাইফলছ বিষয়ববীয়াই । আনহাতে সদ্যঘোষিত কেন্দ্ৰীয় চৰকাৰৰ 'অগ্নিপথ' আঁচনি সম্পৰ্কেও এই আলোচনা সভাত সুন্দৰভাৱে অসম ৰাইফলছ দ্বাৰা ছাত্ৰ ছাত্ৰীসকলক অৱগত কৰা হয় । এই সজাগতা সভাত মুঠ 102 গৰাকী শিক্ষাৰ্থীয়ে অংশগ্ৰহণ কৰাৰ লগতে অসম ৰাইফলছৰ কেইবাজনো উচ্চ পৰ্যায় বিষয়া উপস্থিত থাকে ৷

লগতে পঢ়ক:বানৰ কাল সোঁতত জীৱন বিলীন দুই আৰক্ষীৰ