ৰঙাপৰা, 15 মে' :কৰ’ণাৰ আতংকৰ মাজতে বৃহস্পতিবাৰে নগাঁও জিলাৰ বঢ়মপুৰত 18 টাকৈ হাতীৰ মৃতদেহ উদ্ধাৰৰ পাছত সৰ্বত্ৰে প্ৰতিক্ৰিয়া অব্যাহত আছে ৷ তাৰ মাজতে শোণিতপুৰ জিলাৰ ৰঙাপৰাত দীৰ্ঘদিনৰ পৰা বনৰীয়া হাতীৰ উপদ্ৰৱ অব্যাহত আছে ।
বনৰীয়া হাতীৰ উপদ্ৰৱৰ সমস্যাটি আজিকোপতি সমাধান নোহোৱাত স্থানীয় ৰাইজ অতিষ্ঠ হৈ পৰিছে । ৰঙাপৰা আৰক্ষী থানাৰ অন্তৰ্গত নামগাঁও চাহ বাগিচাত শুকুৰবাৰে নিশা এটা বনৰীয়া হাতীয়ে খাদ্যৰ সন্ধানত প্ৰৱেশ কৰে । বনৰীয়া হাতীটোৰ বাবে চাহ বাগিচাখনৰ ৰাইজে উজাগৰী নিশা কটাবলগীয়া হয় ।