ৰঙাপাৰা, ১৬ মাৰ্চঃ কেৱল বিজ্ঞাপনতে আবদ্ধ চৰকাৰী আঁচনি ৷ শোণিতপুৰত এতিয়া প্ৰহশনত পৰিনত হৈছে সৌভাগ্য আঁচনি ৷
জিলাখনৰ বৃহত্তৰ ৰঙাপাৰাত এতিয়াও উপেক্ষিত হৈ আছে গ্ৰাম্য অঞ্চলৰ ৰাইজ ৷ প্ৰধানমন্ত্ৰী নৰেন্দ্ৰ মোডীয়ে গ্ৰাম্য বৈদ্যুতিকীকৰণৰ বাবে মুকলি কৰা সৌভাগ্য আঁচনিৰ নামত ঠিকাদাৰৰ অবাধ লুন্ঠনৰ অভিযোগ উত্থাপন কৰিছে অঞ্চলবাসী ৰাইজে ৷
ৰঙাপাৰা আৰক্ষী থানাৰ অন্তৰ্গত ভেলুৱাটাৰ পগলাবিল গাঁওত এতিয়াও হোৱা নাই সম্পুৰ্ণ বৈদ্যুতিকীকৰণ ৷ বিভাগীয় কৰ্তৃপক্ষই গাঁওখনত বিদ্যুতৰ খুঁটা পুতিয়েই দায়িত্ব সামৰাৰ অভিযোগ উত্থাপন কৰিছে স্থানীয় ৰাইজে৷ আনকি বহু স্থানত বিদ্যুতৰ খুঁটাৰ নামটো সাধাৰণ জনতাক মাধমাৰ শোধাইছে একাংশ ঘোচখোৰ ঠিকাদাৰ তথা চৰকাৰী বিষয়াই ৷ ফলত একাংশ গাঁওবাসীয়ে ভয়ংকৰ তথা বিপদজ্জনকভাৱে বাঁহৰ খুটাৰে বিদ্যুৎপৰিবাহী তাঁৰ আনি নিজ গৃহত সংযোগ কৰিবলগীয়া পৰিস্থিতিৰ সৃষ্টি হৈছে ৷
কেন্দ্ৰীয় চৰকাৰে কোটি টকা খৰচ কৰি গাঁৱে গাঁৱে বিদ্যুৎ লাভ কৰাৰ কথা কৈ আহিছে যদিও এতিয়াও এনেদৰে একাংশ ঠিকাদাৰ তথা বিষয়াই শৰাধ কৰি আহিছে চৰকাৰী আঁচনিৰ নামত অহা এক বৃহৎ পৰিমানৰ ধন ৷
