তেজপুৰ, ৩১ মে' : ভাৰতীয় নৌ সেনাত চাব-লেফটেনেণ্ট (Sub-Lieutenant)পদত নিযুক্তি লাভ কৰা প্ৰথম গৰাকী নিচি (Nyishi) সম্প্ৰদায়ৰ লোক হিচাপে চিহ্নিত হৈছে অৰুণাচল প্ৰদেশৰ ডংচে বাপু ৷ কুৰুং কুমে জিলাৰ ডংচে বাপুয়ে আজি পাহাৰীয়া ৰাজ্যখনৰ নিচি (Nyishi) সম্প্ৰদায়ৰ মাজলৈ এই আনন্দৰ খবৰ কঢ়িয়াই আনিছে ।
ইয়াৰ পূৰ্বে অৰুণাচল প্ৰদেশৰ এই সম্প্ৰদায়ৰ পৰা ভাৰতীয় নৌ সেনাত এনে এক উচ্চ পদত কোনেও নিযুক্তি লাভ কৰা নাছিল । অৰুণাচল প্ৰদেশৰ কুৰুং কুমে জিলাৰ আৰ কে মিছন নৰোত্তম নগৰ বাসিন্দা ডংচে বাপুৱে আজি ভাৰতীয় নৌ সেনাত চাব-লেফটেনেণ্ট হিচাপে যোগদান কৰিছে ।