ঢেকীয়াজুলিত পানী যোগান আঁচনিৰ নামত ৰামঠগন

চাৰিবছৰেও সম্পূৰ্ণ নহ'ল পানী যোগান আচঁনিৰ কাম

তেজপুৰ,26 মাৰ্চঃ তেজপুৰ লোকসভা সমষ্টিৰ ঢেকীয়াজুলিত উন্নয়নৰ ফোঁপোলাস্বৰূপ ৷ ঢেকীয়াজুলি বিধানসভা সমষ্টিৰ কেহেৰুখুন্দাত থকা এটা বৃহৎ পানী যোগান আচঁনিৰ দুৰৱস্থা । বিগত কংগ্ৰেছ চৰকাৰৰ দিনতে আৰম্ভ হোৱা এক পানী যোগান আচঁনিৰ কাম বৰ্তমানেও সম্পূৰ্ণ হৈ উঠা নুঠাৰ অভিযোগ স্থানীয় ৰাইজৰ ৷

উল্লেখযোগ্য যে আঁচনিখনৰ বাবে বহু লক্ষাধিক টকাৰ অনুমোদন দিছিল চৰকাৰে। কিন্তু আচঁনিখনৰ বাবদ প্ৰকৃততে কিমান টকা ধার্য কৰা হৈছে সেয়াও বিগত চাৰি বছৰ ধৰি নাজানে অঞ্চলবাসীয়ে ৷ মাথো মাজে সময়ে আচঁনিখনৰ তদাৰক কৰিবলৈ অঞ্চলটোত বিষয়ববীয়াসকল উপস্থিত হয় যদিও বৰ্তমানেও আচঁনিৰ ফলত এটুপিও পানী নাপালে অঞ্চলবাসীয়ে ৷