শনিবাৰে চীনা সৈন্যই মোকলাই দিব বন্দী 5 অৰুণাচলী যুৱকক

শনিবাৰে চীনা সৈন্যই মোকলাই দিব বন্দী কৰি নিয়া 5 অৰুণাচলী যুৱকক ৷ এই তথ্য প্ৰদান কৰিছে তেজপুৰৰ প্ৰতিৰক্ষা বিভাগৰ মুখপাত্ৰ লে. কৰ্ণেল হৰ্ষ বৰ্ধন পাণ্ডেই ।

তেজপুৰ, ১১ ছেপ্টেম্বৰ :অৰুণাচল প্ৰদেশৰ উজনি সোৱণশিৰীত নাচু ভাৰত-চীন সীমান্তৰ পৰা ২ ছেপ্টেম্বৰত ৰঙা চীনৰ পি এল এ সেনাই বন্দী কৰি নিয়া ৫ অৰুণাচলী যুৱকক শনিবাৰে মুকলি কৰি দিয়া হ'ব ৷

এই তথ্য প্ৰদান কৰিছে তেজপুৰৰ প্ৰতিৰক্ষা বিভাগৰ মুখপাত্ৰ লে. কৰ্ণেল হৰ্ষ বৰ্ধন পাণ্ডেই । শনিবাৰে লোহিত জিলাৰ ভাৰত-চীন সীমান্তৰ দমাইত পুৱা ৯:৩০ বজাত ৫ জন যুৱকক ভাৰতীয় সেনাৰ হাতত গতাই দিব চীনা সৈন্যই ।

তানু বাকেৰ, প্ৰচাত ৰিংলিং ,নাগৰু ডিৰী ,নাংটো এবিয়া আৰু তাচো চিংকাম নামৰ অৰুণাচলী যুৱক কেইজনক চীনা সৈন্যই বন্দী কৰি নিয়া বুলি টুইটাৰৰ জৰিয়তে প্ৰধানমন্ত্ৰী মোডীক অৱগত কৰিছিল বিধায়কে নিনং এৰিঙে ৷ তেতিয়াই পৰাই সমগ্ৰ বিষয়টোয়ে সৰ্বত্ৰ চৰ্চা লাভ কৰিছিল ৷