অৰুণাচলত নিৰ্মাণকাৰ্য আৰম্ভ বানবিধ্বস্ত দলঙৰ

বৰ্ডাৰ ৰোডছ অৰ্গেনাইজেশ্বন আৰু ভাৰতীয় স্থলসেনাৰ সহযোগত অৰুণাচলত নিৰ্মাণকাৰ্য চলি আছে বানবিধ্বস্ত দলঙৰ

ইটানগৰ, ১২ ফেব্ৰুৱাৰীঃ অৰুণাচল প্ৰদেশৰ নামনি সোৱণশিৰি জিলাৰ অতিকে দুৰ্গম অঞ্চলত বানত বিধ্বস্ত হৈছিল যোগাযোগৰ একমাত্ৰ উপায় ।

বিগত সময়ত বানপানীৰ ফলত উটি গৈছিল অঞ্চলটোৰ এখন দলং । সুৰক্ষাজনিক কাৰণত ঠাইখনৰ নাম প্ৰকাশ পৰা বিৰত থকা সেনাবাহিনীৰ এক সূত্ৰই প্ৰকাশ কৰা অনুসৰি, ইতিমধ্যে বানত বিধ্বস্ত দলংখনৰ নিৰ্মাণৰ কাম আৰম্ভ কৰা হৈছে ।

বানপানীৰ ফলত ধ্বংস হোৱা দলংখনৰ ফলত স্থানীয় ৰাইজ আৰু সেনাবাহিনীৰ বাবে বিশেষ অসুবিধাই দেখা দিছিল । নিৰাপত্তাৰ দিশটোলৈ লক্ষ্য কৰি আৰু স্থানীয় ৰাইজৰ সুবিধা হোৱাকৈ ইতিমধ্যে দলঙৰ নিৰ্মাণকাৰ্যৰ আৰম্ভনি কৰিছে বৰ্ডাৰ ৰোডছ অৰ্গেনাইজেশ্বনে ।

ইতিমধ্যে নিৰ্মাণকাৰ্যৰ বাবে প্ৰয়োজনীয় সামগ্ৰী সমূহ নামনি সোৱনশিৰি জিলাৰ এই দুৰ্গম স্থানলৈ কঢ়িয়াই নিয়া হৈছে । ভাৰতীয় বায়ু সেনাৰ MI-17 হেলিকপ্টাৰেৰে দলঙখনৰ বাবে প্ৰায় ৮০টন সামগ্ৰী কঢ়িয়াই নিয়া হৈছে । সেনাবাহিনীৰ সূত্ৰই প্ৰেৰণ কৰা দৃশ্যাৱলীত এই সমগ্ৰ দৃশ্য বন্দী হৈ পৰিছে আৰু আহি পৰিছে একমাত্ৰ ETV Bharat অসমৰ হাতত ।