গুৱাহাটী, 16 এপ্ৰিলঃ জালুকবাৰীত তেজপুৰ লোকসভা সমষ্টিৰ কংগ্ৰেছ প্ৰাৰ্থী এম জি ভিকে ভানুৰ নিৰ্বাচনী প্ৰচাৰ । জালুকবাৰী সমষ্টিৰ মান্দাকাটাত নিৰ্বাচনী কাৰ্যালয় মুকলি কৰি ভানুৱে সমালোচনাৰে থকা সৰকা কৰে মন্ত্ৰী হিমন্ত বিশ্ব শৰ্মাক । প্ৰচাৰ সভাত ধৰ্মৰ ভিত্তিত ৰাজনীতি কৰি বিজেপিয়ে ৰাজ্যত অশুভ পৰম্পৰা আৰম্ভ কৰিছে বুলিও মন্তব্য কৰে প্ৰাৰ্থীগৰাকীয়ে ।
জালুকবাৰীত কংগ্ৰেছ প্ৰাৰ্থী এমজিভিকে ভানুৰ নিৰ্বাচনী প্ৰচাৰ উল্লেখ্য যে, কংগ্ৰেছ দলক জালুকবাৰীৰ ভোটাৰে হিলদল ভাঙি ভোট দিব বুলিও আস্থা প্ৰকাশ কৰে তেজপুৰ লোকসভা সমষ্টিৰ কংগ্ৰেছ প্ৰাৰ্থীগৰাকীয়ে । লগতে কংগ্ৰেছক ধুতি লুঙিৰ দল বুলি কৈ হিমন্তই ডাঙৰ ভুল কৰিছে বুলি মন্তব্য ভানুৰ । কেৱল সেয়াই নহয়, হিমন্তক ডাঙৰ নেতা আখ্যা দি এনে সৰু মন্তব্য নকৰিবলৈ পৰামৰ্শ ভানুৰ । তাৰোপৰি মুছলমানৰ ভোট নালাগে বুলি কোৱা হিমন্তক অতি শীঘ্ৰেই ক্ষমা খোজাৰ দাবী তোলে তেজপুৰৰ কংগ্ৰেছ প্ৰাৰ্থী গৰাকীয়ে।
