আনোৱাৰ হল'ত সপত্নীক যতীন বৰা

"ৰত্নাকৰ"ৰ ব্যাপক সফলতাৰ বাবে দৰ্শকক ধন্যবাদ জ্ঞাপন জনপ্ৰিয় অভিনেতাগৰাকীৰ ৷

তেজপুৰ, 21 অক্টোবৰ: অসমীয়া চলচ্চিত্ৰ উদ্যোগত খলকনি তুলি যতীন বৰাৰ "ৰত্নাকৰ" ছবিখনে দ্বিতীয় সপ্তাহতো বক্স অফিচত সাফল্য অব্যাহত ৰখাৰ মাজতে সোমবাৰে হঠাৎ তেজপুৰ চহৰৰ আনোৱাৰ হলত উপস্থিত হ'ল ছবিখনৰ প্ৰযোজক তথা মুখ্য অভিনেতা যতীন বৰা ৷ হলটোত "ৰত্নাকৰ"ৰ দৰ্শনী চলি থকাৰ মাজতে পত্নী নৱনীতা বৰাৰ সৈতে উপস্থিত হয় অভিনেতা গৰাকী ৷ ইফালে ছবিগৃহত দৰ্শকৰ ভিৰ দেখি অভিভূত হৈ পৰে জনপ্ৰিয় অভিনেতা গৰাকী ৷ দৰ্শনীৰ পাছত ছবিখনৰ প্ৰতি দৰ্শকে জনোৱা অভূতপূৰ্ব সঁহাৰিৰ বাবে যতীন বৰাই হাত যোৰ কৰি দৰ্শকৰ আৰ্শীবাদ বিচাৰে ৷ সাংবাদিকৰে হোৱা বাৰ্তালাপত তেও ভৱিষ্যতে আৰু নতুন ছবি নিৰ্মাণৰ প্ৰকল্প হাতত লোৱাৰ কথাও সদৰি কৰে ৷ উল্লেখযোগ্য যে, ৰত্নাকৰৰ ব্যাপক সফলতাৰ পাছত তেও ইতিমধ্যে এখন নতুন ছবিৰ কাম আৰম্ভ কৰিছে ৷ দম্পতী হালে আনোৱাৰ হলৰ বাহিৰেও তেজপুৰ চহৰৰ মাজ-মজিয়াত থকা আই এম পি আৰু গোল্ড চিনেমা হলটো দৰ্শকৰ লগত মত-বিনিময় কৰে ৷