শিৱসাগৰ, 19 ফেব্ৰুৱাৰী :শিৱসাগৰত শুকুৰবাৰে খাদ্য সামগ্ৰীকে ধৰি অত্যাৱশ্যকীয় সামগ্ৰীৰ আকাশলংঘী মূল্যবৃদ্ধি ৰোধ কৰাৰ দাবীত তীব্ৰ প্ৰতিবাদ সাব্যস্ত কৰা হয় ৷ সদৌ অসম ছাত্ৰ সন্থাৰ আহ্বানত আৰু শিৱসাগৰ আঞ্চলিক ছাত্র সন্থাৰ উদ্যোগত সাব্যস্ত কৰা হয় এই প্ৰতিবাদ ৷
শিৱসাগৰ জিলা উপায়ুক্তৰ কাৰ্যালয়ৰ সন্মুখত দুঘন্টীয়া অৱস্থান বিক্ষোভ কাৰ্যসূচী ৰূপায়ন কৰাৰ লগতে মূল্যবৃদ্ধি ৰোধৰ ক্ষেত্ৰত ৰাজ্য চৰকাৰ আৰু কেন্দ্ৰ চৰকাৰ সম্পূৰ্ণৰূপে ব্যর্থ বুলি তীব্ৰভাবে সমালোচনা কৰে প্রতিবাদকাৰী সকলে ৷
আনহাতে, সমান্তৰাল ভাৱে আজি শিৱসাগৰত পেট্ৰল-ডিজেল আৰু অত্যাৱশ্যকীয় সামগ্ৰীৰ মূল্যবৃদ্ধিৰ প্ৰতিবাদত তিনিঘন্টীয়া অৱস্থান ধৰ্মঘট ৰূপায়ন কৰে চিপিআই শিৱসাগৰ জিলা পৰিষদে । শিৱসাগৰ জিলা উপায়ুক্ত কাৰ্যালয়ৰ সন্মুখত ৰূপায়ন কৰা হয় এই প্ৰতিবাদী কাৰ্যসূচী ৷
পেট্ৰল-ডিজেলকে ধৰি জীৱন দায়িনী ঔষধৰ মূল্যবৃদ্ধিয়ে সৰ্বসাধাৰণ নাগৰিকক জুৰুলা কৰিছে বুলি মত পোষণ কৰে প্ৰতিবাদকাৰী সকলে ৷ প্ৰতিবাদকাৰীয়ে মন্তব্য কৰে যে, "চব কা চাথ চব কা বিকাশ শ্ল'গান দিয়া গেৰুৱা চৰকাৰৰ দিনত মূল্যবৃদ্ধি হোৱা বাবে সকলোৱে সংকটত পৰিছে । চৰকাৰৰ অসাধু ব্যৱসায়ৰ প্ৰতি থকা প্ৰীতিৰ বিৰোধিতা কৰাৰ লগতে ৰাজহুৱা খণ্ডৰ প্ৰতিষ্ঠানসমূহ আদানী-আম্বানীক হস্তান্তৰ কৰাৰ বিৰোধিতা কৰে আৰু অতি শীঘ্ৰে কৃষক বিৰোধী তিনিখন আইন বাতিলৰ দাবী কৰে ৷
লগতে পঢ়ক :বিটিচিত 17 বছৰে হাগ্ৰামাই গান্ধীৰ শাসন চলাইছিল: প্ৰমোদ বড়ো