শিৱসাগৰ, 14 এপ্ৰিল : গৰুৰ বিহুৰ দিনা শিৱসাগৰৰ অন্যতম সাংস্কৃতিক আৰু সামাজিক অনুষ্ঠান ঐক্যৰ উদ্যোগত সদৌ অসম ভিত্তিত প্ৰাইজমানি কণী যুঁজ প্ৰতিযোগিতা আয়োজন কৰা হয়(Prize money egg fight competition in Sivasagar) । উল্লেখ্য যে, অসমৰ জাতীয় জীৱনত গৰুৰ বিহু দিনা পৰম্পৰাগত (Goru Bihu tradition ) খেল-ধেমালিৰ লগতে কণী যুঁজ অনুষ্ঠিত হৈ আহিছিল যদিও বৰ্তমানৰ যান্ত্ৰিকতাৰ যুগত বিলুপ্ত প্ৰায় হৈছে এই কণী যুঁজ ।
শিৱসাগৰৰ উপায়ুক্তৰ সৈতে কণী যুঁজ প্ৰতিযোগিতাত ড৹ ননীগোপাল মহন্ত
অসমৰ পৰম্পৰাক উজ্জীৱিত ৰখাৰ স্বাৰ্থত ঐক্যৰ উদ্যোগত বিগত কেইবাবছৰ ধৰি অনুষ্ঠিত কৰি অহা হৈছে এই পৰম্পৰাগত কণী যুঁজ প্ৰতিযোগিতা । এই কণী যুঁজ প্ৰতিযোগিতাখন উদ্ধোধন কৰে শিৱসাগৰ জিলা উপায়ুক্ত মেঘ নিধি দাহালে । প্ৰথম উদ্বোধনী কণী যুঁজখেলখন শিৱসাগৰ জিলা উপায়ুক্ত মেঘ নিধি দাহাল আৰু অসম চৰকাৰৰ শিক্ষা উপদেষ্টা ড৹ ননীগোপাল মহন্তৰ মাজত অনুষ্ঠিত হয় ।