আমগুৰিত জীৱন্ত লোকক মৃত ঘোষণা কৰাক লৈ উত্তপ্ত পৰিস্থিতি

আমগুৰি সামূহিক চিকিৎসালয়ত জীৱন্ত যুৱকক মৃত ঘোষণা কৰাক লৈ উত্তপ্ত হৈ পৰিছে চিকিৎসালয়খন। পাছত যুৱকজনক জয়সাগৰ অসামৰিক চিকিৎসালয়লৈ নিয়া হয় যদিও মৃত ঘোষণা কৰে চিকিৎসকে ।

আমগুৰি, ৮ মে': আমগুৰিৰ বৰবাম চাহ বাগিচাৰ দেৱচৰণ তাঁতীৰ পুত্ৰ প্ৰিয়ম তাঁতী হঠাৎ অচেতন হৈ পৰাত ভৰ্তি কৰোৱা হৈছিল আমগুৰি সামূহিক চিকিৎসালয়ত। কিন্তু তিনিজনকৈ চিকিৎসকে মৃত ঘোষণা কৰাৰ পাছতো যুৱকজনে বমি কৰাক কেন্দ্ৰ কৰি উত্তপ্ত পৰিস্থিতিৰ সৃষ্টি হয় চিকিৎসালয়খনত।পুনৰ সেইখন চিকিৎসালয়তে ভৰ্তি কৰোৱা হয় যদিও পুনৰ চিকিৎসকে মৃত বুলি দাবী কৰে।

ইয়াৰ পাছতে যুৱকজনক জয়সাগৰ অসামৰিক চিকিৎসালয়লৈ নিয়া হয় যদিও মৃত ঘোষণা কৰে চিকিৎসকে। কিন্তু আমগুৰিৰ চিকিৎসকে মৃত ঘোষণা কৰাত উত্তপ্ত পৰিস্থিতিৰ সৃষ্টি হয় অঞ্চলটোত। এই ঘটনাই এতিয়া চিন্তিত কৰি তুলিছে সচেতন মহলক।