বহিঃ ৰাজ্যৰ প্ৰাৰ্থীক নিযুক্তি দিয়াৰ বিৰুদ্ধে সৰৱ প্ৰাথমিক টেট শিক্ষক সন্থা

সকলো টেট উত্তীৰ্ণ শিক্ষকক নিযুক্তি দিয়াৰ দাবীত গৌৰী সাগৰত এখন সংবাদ মেল সম্বোধন কৰে প্ৰাথমিক টেট উত্তীৰ্ণ শিক্ষক সন্থাই ৷ দীৰ্ঘ দিন ধৰি চৰকাৰে চাকৰি নিয়মীয়া নকৰাত ক্ষুদ্ধ হৈ পৰে প্ৰাথমিক টেট উত্তীৰ্ণ শিক্ষক সকল ৷

আমগুৰি,25 আগষ্টঃ ২০১৯ চনৰ অসম প্ৰাথমিক টেটউত্তীৰ্ণ শিক্ষক সকলে মঙলবাৰে গৌৰী সাগৰত এখন সংবাদমেল সম্বোধন কৰে । সংবাদমেলত টেট উত্তীৰ্ণ সন্থাই অতিশীঘ্ৰে নতুন বিজ্ঞাপন দি চৰকাৰে সকলো টেট উত্তীৰ্ণ শিক্ষকক নিযুক্তি দিবলৈ দাবী জনাইছে ।

তাৰোপৰি, সংগঠনটোৱে দাবী জনাই যে, ২০১৮ চনৰ এটা পুৰণি বিজ্ঞাপনৰ জৰিয়তে কেৱল কিছু সংখ্যক শিক্ষকক চৰকাৰে নিযুক্তি দিয়াৰ ব্যৱস্থা কৰিছে । উক্ত ঘটনাৰ বিৰুদ্ধে সৰৱ হৈ পৰে প্ৰাথমিক টেট উত্তীৰ্ণ শিক্ষক সকল ৷ অতি শীঘ্ৰে চৰকাৰে পুনৰ নতুন বিজ্ঞাপন দি থাকি যোৱা টেট উত্তীৰ্ণ প্ৰাৰ্থী সকলক নিযুক্তি দিবলৈ শিক্ষামন্ত্ৰী হিমন্ত বিশ্ব শৰ্মাক অনুৰোধ জনাইছে সংগঠনটোৰ বিষয়ববীয়া সকলে ।

ইফালে সংগঠনটোৱে চি টেটৰ জৰিয়তে বহিঃ ৰাজ্যৰ প্ৰাৰ্থীক নিযুক্তি পোৱাত ক্ষোভ প্ৰকাশ কৰি তেওঁলোকক বাতিল কৰিবলৈ আহ্বান জনাইছে টেট উত্তীৰ্ণ শিক্ষক সকলে । শিক্ষক নিযুক্তিৰ ক্ষেত্ৰত চি টেট প্ৰাৰ্থী সকলতকৈ অসম টেট উত্তীৰ্ণ প্ৰাৰ্থীক অগ্ৰাধিকাৰ দিবলৈ দাৱী জনাই টেট শিক্ষক সকলে ।

লগতে পঢ়ক- বকোৰ লাম্পীত পুনৰ উত্তপ্ত পৰিস্থিতি