শিৱসাগৰ, 28 মে': শুকুৰবাৰে শিৱসাগৰ অসামৰিক চিকিৎসালয় পৰিদৰ্শন কৰে স্বাস্থ্যমন্ত্ৰী কেশৱ মহন্তই । পৰিদৰ্শন কৰি ক’ভিড পৰিস্থিতি বুজ লোৱাৰ লগতে চিকিৎসালয় আৰু স্বাস্থ্যকৰ্মী সকলৰ অভাৱ অভিযোগৰো খতিয়ান লয় মন্ত্ৰী গৰাকীয়ে ।
চিকিৎসালয় পৰিদৰ্শনৰ অন্তত মন্ত্ৰী কেশৱ মহন্তই অন্যান্য ৰোগত আক্ৰান্ত আৰু চিকিৎসালয়ত পলমকৈ ভৰ্তি হোৱা বাবে ক’ভিড আক্ৰান্তৰ মৃত্যু হাৰ অধিক হোৱা বুলি মন্তব্য কৰে । সেয়ে এতিয়াৰে পৰা প্ৰতিগৰাকী ক’ভিড আক্ৰান্তৰ ওপৰত চৰকাৰ-প্ৰশাসনৰ তীক্ষ্ণ দৃষ্টি থাকিব বুলি উল্লেখ কৰে মহন্তই ।
শিৱসাগৰত উপস্থিত হৈ ক’ভিড পৰিস্থিতিৰ বুজ স্বাস্থ্যমন্ত্ৰীৰ
ক’ভিড আক্ৰান্তৰ অন্যান্য ৰোগ থাকিলে তেনে ৰোগৰ চিকিৎসাও যাতে তাৎক্ষণিকভাৱে লাভ কৰে তাৰ ওপৰতো গুৰুত্ব দিয়াৰ পদক্ষেপ হাতত লোৱা বুলি সদৰি কৰে মন্ত্ৰী কেশৱ মহন্তই ।