পিতা-পুত্ৰই ঘৰৰ পৰা উলিয়াই আনি প্ৰহাৰ কৰিলে এজন লোকক

নাজিৰাত পিতৃ আৰু পুত্ৰই এজন লোকক ঘৰৰ পৰা উলিয়াই আনি কৰিলে প্ৰহাৰ (Father and son beat up a man) ৷ ফলত গুৰুতৰভাৱে আহত হয় লোকজন ৷ পৰৱৰ্তী সময়ত পৰিয়ালৰ লোকে ন্যায় বিচাৰি নাজিৰা আদৰ্শ আৰক্ষী থানাত উপস্থিত হৈ তৰিলে গোচৰ ৷

নাজিৰা, 23 জুন: নাজিৰাৰ মঠীয়াছিগাৰ আচলাপথাৰ অঞ্চলত সংঘটিত হয় এক অপৰাধজনিত ঘটনা ৷ পিতৃ আৰু পুত্ৰই এজন লোকক ঘৰৰ পৰা উলিয়াই আনি প্ৰহাৰ কৰা কাৰ্যই সম্প্ৰতি অঞ্চলটোত এক চাঞ্চল্যৰ সৃষ্টি কৰিছে (Father son brutally beats up a man at Nazira) ৷

অভিযোগ অনুসৰি, আচলাপথাৰৰ তুলন সন্দিকৈ আৰু দেৱজিৎ সন্দিকৈয়ে (পিতৃ-পুত্ৰ) একেখন গাঁৱৰে বাসিন্দা ৰোহিনী বুঢ়াগোহাঁইৰ নামৰ এজন লোকক ঘৰৰ পৰা আনি উমাকান্ত বুঢ়াগোহাঁই নামৰ আন এজন লোকৰ ঘৰত গুৰুলা গুৰুলকৈ প্ৰহাৰ কৰে ৷ ৰোহিনী বুঢ়াগোহাঁইৰ মাতৃয়ে পুত্ৰক বচাবৰ বাবে কাতৰ অনুৰোধ জনোৱাৰ স্বতেও উমাকান্ত বুঢ়াগোহাঁইৰ ঘৰৰ পৰা ৰোহিনী বুঢ়াগোহাঁইক তুলন সন্দিকৈ আৰু দেৱজিৎ সন্দিকৈয়ে চোচৰাই নি পুনৰ তুলন সন্দিকৈৰ ঘৰত প্ৰহাৰ কৰে ।

ফলত গুৰুতৰভাৱে চকু, বুকু, পিঠি, ভৰিত আঘাত পাই ৰোহিনী বুঢ়াগোহাঁইয়ে ৷ পৰৱৰ্তী সময়ত পৰিয়ালৰ লোকে ন্যায় বিচাৰি নাজিৰা আদৰ্শ আৰক্ষী থানাত উপস্থিত হৈ সমগ্ৰ ঘটনা সন্দৰ্ভত অৱগত কৰাৰ লগতে ৰুজো কৰিলে গোচৰ ৷ কিন্তু এইপৰ্যন্ত নাজিৰা আদৰ্শ আৰক্ষীয়ে ঘটনা সন্দৰ্ভত কোনোধৰণৰ ব্যৱস্থা গ্ৰহণ নকৰাৰ অভিযোগ উত্থাপন কৰিছে পৰিয়ালৰ লোকে ৷

ইফালে ৰোহিনী বুঢ়াগোহাঁইয়ে ন্যায়ৰ আশাত বৃহস্পতিবাৰে নাজিৰা মহকুমা আৰক্ষী বিষয়াৰ কাষ চাপে ৷ নাজিৰা মহকুমা আৰক্ষী বিষয়াই শীঘ্ৰেই সমগ্ৰ ঘটনা সন্দৰ্ভত তদন্ত চলিব বুলি আশ্বাস দিয়ে ৷

লগতে পঢ়ক:ডিমৌ নদীত একেলগে আত্মহত্যা এটা পৰিয়ালৰ !