শিৱসাগৰ, 24 অক্টোবৰঃ শাৰদীয় দুৰ্গা পূজাৰ আজি মহাষ্টমী। ৰাজ্যৰ বিভিন্ন প্ৰান্তৰ লগতে শিৱসাগৰতো পালন কৰা হয় শাৰদীয় দুৰ্গাপূজা ৷ কৰ'ণা মহামাৰীৰ বাবে ৰাজ্য চৰকাৰে জাৰি কৰা নীতি নিৰ্দেশনাক মান্য কৰি শিৱসাগৰত এইবেলি অনুষ্টুপীয়াকৈ উদযাপন কৰে দুৰ্গোৎসৱ ৷ ইফালে প্ৰতিকূল বতৰৰ বাবে ম্লান পৰিল পূজাৰ উছাহ ৷ ইফালে পূজাস্থলীতো বিগত বৰ্ষৰ দৰে এইবেলি ৰাইজৰ ভিৰ কম হোৱা পৰিলক্ষিত হৈছে ।
শিৱসাগৰৰ আহোম যুগৰ ঐতিহাসিক দেৱী দ'লটো প্ৰতিকুল বতৰ আৰু কৰ'ণা মহামাৰীৰ প্ৰভাৱ দেখা পোৱা গ'ল। এহাতে চৰকাৰী কঠোৰ নিৰ্দেশনা, আনহাতে ৰাইজৰ শংকা। যাৰ বাবে আহোম যুগত প্ৰতিষ্ঠা হোৱা ঐতিহাসিক শিৱসাগৰৰ দেৱী দ'লত মহা অষ্টমীৰ দিনা দেখা পোৱা গ'ল অন্য এক পৰিবেশ। যি সময়ত বিগত দিনত মহা অষ্টমীত শ শ হাঁহ-ছাগলীৰ বলি উৎসৰ্গা হৈছিল যদিও ভক্তৰ পাতলীয়া ভিৰ আৰু ভক্তিৰ মাজতেই সম্পন্ন হৈছে মা দুৰ্গাৰ পূজা।